Til að styrkja svæðisflutningskerfið á Suðurlandi og auka afhendingaröryggi verður reist nýtt 66 kV tengivirki á Hvolsvelli sem leysir af hólmi núverandi útitengivirki sem er frá áriðnu 1953.

Vegna stækkunar Búrfellsvirkjunar og tengingar nýrrar vélar hennar við flutningskerfið þarf að breyta tengivirki Landsnets í Búrfelli og endurnýja stjórnkerfi.

Landsnet hefur nú hafið á ný vinnu að valkostagreiningu og mat á umhverfisáhrifum fyrir bætta tengingu Suðurnesja við meginflutningskerfið.

Framkvæmdin sem hér um ræðir felst í nýbyggingu 220 kV raflínu, Hólasandslínu 3, frá Akureyri að Hólasandi.

Vegna aukinnar orkunotkunar á höfuðborgarsvæðinu og Vesturlandi er þörf á að styrkja tengingar á milli þessara svæða. Horft er til þess að tengja betur virkjanir á Þjórsársvæðinu og Hengilsvæðinu við svæði sem nýta mest rafmagn á suðvesturhorni landsins.

Markmiðið með Blöndulínu 3, 220 kV raflínu milli Blöndustöðvar og Akureyrar er að tryggja stöðugleika raforkukerfisins á Norður- og Austurlandi svo það ráði betur við truflanir, auka hagkvæmni í orkuvinnslunni með samtengingu virkjanasvæða og þjóna allri uppbyggingu og núverandi starfsemi á Norður- og Austurlandi.

Til að fá úr því skorið hvort hálendisleið geti verið raunhæfur kostur til að bæta raforkukerfi landsins og auka flutningsgetu, öryggi raforkuafhendingar og gæði raforku hefur Landsnet hafið mat á umhverfisáhrifum raflínu um Sprengisand.

Mati á umhverfisáhrifum vegna Kröflulínu 3 er lokið. Skipulagsstofnun telur matsskýrslu vegna Kröflulínu 3 uppfylla skilyrði laga og reglugerðar um mat á umhverfisáhrifum og að umhverfisáhrifum hafi verið lýst á fullnægjandi hátt en þetta kemur fram í áliti sem stofnunin gaf út 6.desember 2017.

Hæstiréttur staðfesti í gær dóm Héraðsdóms Reykjaness um að fella úr gildi framkvæmdaleyfi vegna Suðurnesjalínu 2 sem Sveitarfélagið Vogar gaf út árið 2015.

Verkefnið er umtalsverður þáttur í uppbyggingu iðnaðarsvæðisins á Bakka við Húsavík og tryggir jafnframt orkuöryggi íbúa og fyrirtækja á þessum slóðum.

Með lagningu Grundarfjarðarlínu 2, 66 kV jarðstrengs milli Ólafsvíkur og Grundarfjarðar og byggingu nýrra tengivirkja, eykst áreiðanleiki svæðiskerfisins á Vesturlandi og afhendingaröryggi raforku batnar á Snæfellsnesi.

Úrskurðarnefnd umhverfis- og auðlindamála felldi þann26.mars 2018 úr gildi framkvæmdaleyfi Hafnarfjarðarbæjar. Það er því óhjákvæmilegt að úrskurðurinn þýðir að frestun verður á framkvæmdum við línuna og á tengdum framkvæmdum.

Ársreikningurinn 2016 var samþykktur á fundi stjórnar í dag 9. febrúar 2017

Landsnet hefur tekið í notkun nýjan spenni í tengivirkinu í Mjólká sem eykur bæði flutningsgetu og afhendingaröryggi.

​Fyrirhugaðar eru breytingar á gjaldskrá Landsnets með gildistöku frá 1. mars 2017. Gjaldskrárbreyting verður gerð á gjaldi vegna kerfisþjónustu, aðrir gjaldskrárliðir haldast óbreyttir.

​ Hvað ætlar þú að gera í sumar ? Við hjá Landsneti bjóðum upp á rafmagnaðan vinnustað, fjölbreytt verkefni og ótrúlega skemmtilega vinnufélaga.

Landsnet og Landsvirkjun hafa gert samning um kaup og sölu á reiðuafli. Um er að ræða 40 MW af alls 100 MW reiðuafli sem Landsvirkjun hefur selt Landsneti á undanförnum árum. Nýi samningurinn tekur við af eldri samningi sem gerður var árið 2005.

Samorka tekur í fyrsta sinn þátt í degi rafmagnsins í ár, mánudaginn 23. janúar, en dagurinn hefur verið haldinn hátíðlegur að frumkvæði orkufyrirtækja á Norðurlöndum um nokkurra ára skeið. Við hjá Landsneti tökum þátt í deginum með Samorku.

Framkvæmdum við nýtt tengivirki Veitna og Landsnets á Akranesi lauk vorið 2016 og var það tekið formlega í notkun við athöfn í dag, 18. janúar. Við þetta tilefni ávarpaði Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, gesti og Inga Dóra Hrólfsdóttir, framkvæmdastjóri Veitna, Guðmundur Ingi Ásmundsson, forstjóri Landsnets og Regína Ásvaldsdóttir, bæjarstjóri á Akranesi, fluttu tölu.

Spara má allt að 1,5 milljón tonn af útblæstri gróðurhúsaloftegunda á Íslandi árið 2030 ef ráðist yrði í orkuskipti í samgöngum og iðnaði. Til að ná þessu þarf að nýta 660 til 880 MW af raforku sem kæmi í stað hefðbundins jarðefnaeldsneytis. Þessar niðurstöður og fleiri má finna í nýútkominni skýrslu sem unnin var af VSÓ ráðgjöf og Landsneti.