Í morgun voru Jafnréttisdagar Landsnets formlega settir og um leið voru kynntar niðurstöður úr Jafnréttisskýrslu Landsnets en þetta er í fyrsta skiptið sem fyrirtækið gefur út skýrslu eins og þessa og heldur sérstaka jafnréttisdaga.

Landsnet hefur stofnað dótturfélag sem hefur það hlutverk að setja á fót og reka heildsölumarkað raforku á Íslandi. Katrín Olga Jóhannesdóttir hefur verið ráðin framkvæmdastjóri félagsins.

Nú liggur fyrir kostnaður við útboð á orku vegna flutningstapa fyrir þriðja ársfjórðung 2022.

Á hluthafafundi Landsnets þann 1. júní var Eggert Benedikt Guðmundsson kosinn í stjórn Landsnets. Eggert Benedikt er rafmagnsverkfræðingur og MBA, sem hefur fjölbreytta reynslu úr atvinnulífinu sem forstjóri og stjórnarmaður.

Ógnar stefna stjórnvalda raforkuöryggi á Suðurnesjum? spyr Ásgeir Eiríksson bæjarstjóri Voga í aðsendri grein í Víkurfréttum. Svarið við þessari spurningu er nei en tafir á lagningu Suðurnesjalínu 2 ógna raforkuöryggi á Suðurnesjum.

Landsnet og SNERPA Power skrifuðu á dögunum undir viljayfirlýsingu um að fara í tilraunaverkefni sem miðar að því auka aðgengi stórnotenda að reglunaraflsmarkaði Landsnets og auðvelda þátttöku þeirra á markaði.

Landsnet hefur hafið undirbúning að mati á umhverfisáhrifum Holtavörðuheiðarlínu 1 frá tengivirkinu á Klafastöðum að nýju tengivirki á Holtavörðuheiði.

Íslendingar geta verið þakklátir fyrir það að búa við frið og öryggi – þar á meðal orkuöryggi - nú þegar víðsjárverðir tímar og stríðsátök eru í Evrópu, sagði Guðlaugur Þór Þórðarson, umhverfis-, orku og loftslagsmálaráðherra á vorfundi Landsnets sem fram fór í gær. Þar setti hann markmið Íslands í loftslagsmálum í samhengi við umræðu um orkuöryggi á heimsvísu.

Landsnet hefur gefið út skýrsluna Töpuð tækifæri vegna takmarkana í flutningskerfinu sem unnin var af alþjóðlega ráðgjafafyrirtækinu Frontier Economics.

Til að orkuskipti geta orðið er ekki nóg að vinna raforku, heldur verður hún að skila sér með öruggum og hagkvæmum hætti til notenda.

Í þingsályktun um stefnu stjórnvalda um lagningu raflína segir að meginreglan, við lagningu nýrra flutningslína eða endurnýjun eldri í landshlutakerfum raforku, skuli vera að notast við jarðstrengi – að því gefnu að það sé tæknilega mögulegt og kostnaðarhlutfall miðað við loftlínu sé innan ákveðinna marka.

Þann 1.apríl verður breyting á flutningsgjaldskrá Landsnets, gjaldskrá framleiðenda mun hækka en lækka hjá stórnotendum og dreifiveitum.

Fram undan eru opin hús þar sem lagðar verða fram upplýsingar um mat á umhverfisáhrifum vegna Blöndulínu 3, sem mun liggja milli Blöndustöðvar og Akureyrar.

Skýrsla ráðherra um stöðu og áskoranir í orkumálum með vísan til markmiða og áherslna í loftslagsmálum var kynnt nýlega. Það er ánægjulegt að þau sjónarmið sem við hjá Landsneti höfum talað fyrir fá undirtektir hjá höfundum skýrslunnar.

Í dag fór nýr vefur Landsnets í loftið, vefur sem unnin var í samvinnu við Advania og EnnEmm auglýsingastofu og við erum mjög spennt að kynna hér fyrir ykkur.

Framkvæmdir við Reykjaneslínu 1 hófust í dag með slóðagerð nærri tengivirkinu við Rauðamel. Reykjaneslína 1 er hluti af Suðurnesjalínu 2 verkefninu og mun liggja frá nýju tengivirki á Njarðvíkurheiði og tengjast inn á Rauðamelslínu 1 við Rauðamel.