Varað er við hættu sem skapast hefur víða um land vegna snjósöfnunar undir og við háspennulínur.

Veðrið í gær og nótt olli mikilli áraun á flutningskerfi Landsnets og víðtækar truflanir urðu á Suðurlandi, Vesturlandi og á Vestfjörðum.

Ársreikningur Landsnets 2021 var samþykktur á fundi stjórnar í dag, 17. febrúar 2022.

Ný greining um afl- og orkujöfnuð staðfestir þá niðurstöðu frá sambærilegri greiningu sem unnin var 2019 að orkuskortur verði viðvarandi vandamál á Íslandi næstu árin ef ekki verður brugðist skjótt við.

Við hjá Landsneti erum að ljúka vinnu við gerð umhverfismatsskýrslu fyrir Blöndulínu 3, sem send verður til Skipulagsstofnunar til yfirferðar áður en hægt er að hefja opinbera kynningu á umhverfismatinu. Í umhverfisskýrslunni m.a. greint frá aðalvalkosti framkvæmdarinnar.

Rétt í þessu komst símkerfið í lag.

Því miður eru búnar að vera truflanir í símkerfinu okkar í morgun en unnið er að viðgerð og vonum við að það komist í lag sem fyrst.

Landsnet hefur ráðið Maríönnu Magnúsdóttur sem leiðtoga breytinga.

Við hjá Landsneti vorum að gefa út skýrslu um afhendingaröryggi raforku á Vestfjörðum.

Lagning Holtavörðuheiðarlínu 1 er mikilvægur hlekkur í endurnýjun á núverandi byggðalínu og er hluti af nýrri kynslóð byggðalínu sem nú er að rísa.

Raforkuverð vegna flutningstapa verður 5.923 kr/MWst fyrir fyrsta ársfjórðung 2022, hækkar um 25% miðað við sama tíma í fyrra.

Framkvæmdir við Hólasandslínu 3, tenginguna á milli Hólasands og Akureyrar, hófust í ágúst 2020 og var áætlað að taka línuna í rekstur í lok árs 2021. Nú er ljóst að seinkun verður á því að línan verði tekin í rekstur. Helstu ástæður eru að við höfum verið óheppin með veður á framkvæmdasvæðinu, síðasti vetur var snjóþungur, tafir urðu á ákveðnum verkþáttum og heimsfaraldurinn gerði ekki auðvelt fyrir, bæði þegar kom að mannskap og aðföngum.

Aðildarfyrirtæki Samorku, samtök orku- og veitufyrirtækja, sem eiga aðild að netöryggisráði Samorku og norska fyrirtækið KraftCert hafa gert með sér samstarfssamning um varnir og viðbúnað fyrir netöryggi. Netöryggi er ein stærsta áskorun stjórnenda í dag og samstarfið styrkir orku- og veitufyrirtæki landsins enn frekar í baráttunni gegn stafrænum glæpum.

Úrskurðarnefnd umhverfis- og auðlindamála hefur fellt úr gildi ákvörðun Sveitarfélagsins Voga um að hafna framkvæmdaleyfi fyrir Suðurnesjalínu 2. Framkvæmdin er í samræmi við skipulagsáætlanir sveitarfélagsins og kerfisáætlun sem samþykkt hefur verið af Orkustofnun

Í morgunfréttum Ríkisútvarpsins 13. september var greint frá því að fjórðungur fyrirspurna sem Landsnet fékk um orkuafhendingu síðastliðin ár hefðu komið frá Suðurnesjum.

Það var stór dagur hjá okkur hjá Landsneti í dag þegar fyrsta línan í nýrri kynslóð byggðalínu, Kröflulína 3, tengingin á milli Kröflu og Fljótsdals, var spennusett. Línan á sér langa sögu og hefur undirbúningur staðið um langt skeið . Framkvæmdir hófust árið 2019 og var hún byggð við miklar áskoranir. Slæmt veður og heimsfaraldur settu mark sitt á framkvæmdina.

Árshlutareikningur Landsnets fyrir janúar – júní 2021 var lagður fram í dag.

Við hjá Landsneti tökum nú þátt í mjög spennandi verkefni í Nátthaga í nágrenni við gosstöðvarnar í Fagradalsfjalli.

Vatnshæð í Þórisvatni á þessum árstíma hefur aldrei mælst lægri en í sumar, eins og fram hefur komið í fréttum. Landsvirkjun hefur réttilega bent á að ekki þurfi að óttast raforkuskort í vetur en staðan í Þórisvatni er áminning um mikilvægi þess að geta flutt raforku milli landshluta hverju sinni. Á sama tíma og vatnshæð er óvenju lág í Þórisvatni er staða miðlunarlóna á Norður- og Austurlandi ágæt.

Við erum á fullu í framkvæmdum og á síðustu vikum hafa fjölmörg ný flutningsvirki verið spennusett og tekin í rekstur, góður gangur er í Kröflulínu 3 og Hólasandslínu 3 og ný hringtenging á Austfjörðum var tekin í rekstur í sumar og þar með var stórum áfanga náð í styrkingu kerfisins á svæðinu.