Fjölmennur vorfundur Landsnets var haldinn á Hilton Reykjavík Nordica í dag, miðvikudag undir yfirskriftinni „Nýir tímar“. Áherslur fundarins voru framtíðaráskoranir í raforkumálum og hvernig hægt sé að auka samtal um raforku. Á fundinum var lagt upp með lausnamiðaða umræðu um framtíð orkumála og hvernig tekist yrði á við þær áskoranir sem blasa við.

Við erum að opna nýtt svæði fyrir viðskiptavini og áhugasama um tengingar við landsnetið. Útliti og innihaldi síðunnar hefur verið umbylt til að auðvelda aðgengi að upplýsingum.

Landsnet hefur í hyggju að endurnýja samninga við Landsvirkjun um kaup á reiðuafli. Annars vegar er fyrirhugað að endurnýja fyrir 30. apríl nk. samning um reiðuafl í Fljótsdalsstöð. Hins vegar er fyrirhugað að endurnýja fyrir 31.desember nk. samning um reiðuafl á Þjórsársvæði.

Eitt af stærstu verkefnum okkar hjá Landsneti á síðasta ári var viðgerð á Vestmannaeyjastreng 3. Strengurinn sem er að stærstum hluta sæstrengur bilaði í byrjun apríl 2017 í kjölfar byggingu nýs tengivirkis í Vestmannaeyjum og spennuhækkunar á afhendingu raforku í 66 kV.

Um klukkan þrjú í nótt varð truflun í flutningskerfinu á Reykjanesi sem varð þess valdandi að rafmagnslaust varð í Grindavík í nokkra klukkutíma.

Landsnet er menntasproti ársins 2018. Allan sólarhringinn vinna starfsmenn í stjórnstöð fyrirtækisins við að stýra raforkukerfi Íslands sem er flóknasta kerfi landsins. Landsnet ber einnig ábyrgð á því að sinna viðhaldi þess og rekstri þannig að það virki, að tryggja að landsmenn geti haft ljósin kveikt þegar þeim hentar og að hjól atvinnulífsins snúist.

Landsnet hefur ráðið Ásmund Bjarnason í starf forstöðumanns upplýsingatækni þar sem hann mun stýra uppbyggingu og þróun á upplýsingakerfum Landsnets.

Ársreikningur 2017 var samþykktur á fundi stjórnar í dag 7. febrúar 2018.

Við hjá Landsneti erum byrjuð að móta kerfisáætlun 2018-2027 samkvæmt raforkulögum nr. 65/2003. Samhliða er unnið umhverfismat á umhverfisáhrifum kerfisáætlunar skv. lögum nr. 105/2006 um umhverfismat áætlana.

Rétt eftir klukkan tvö í gær varð truflun í raforkukerfinu þegar Blöndulína 1, á milli Blöndu og Laxárvatns, leysti út og í kjölfarið var kerfinu skipt upp í tvo hluta til að koma í veg fyrir rafmagnsleysi eða miklar skerðingar.

Kynning á drögum að tillögu matsáætlunar fyrir Suðurnesjalínu 2 hófst þann 18. janúar 2018 og stendur til og með 12. febrúar.

Við hjá Landsneti höfum lengi talað fyrir uppbyggingu og styrkingu flutningskerfisins og fögnum allri umræðu um bætt afhendingaröryggi og uppbyggingu á kerfinu.

Flutnings- og dreifikerfi raforku eru mikilvægur hluti af innviðum nútíma þjóðfélags. Erfitt er að hugsa sér daglegt líf ef rafmagns nyti ekki við.

Upprunaábyrgðir (Græn skírteini) eru staðfesting á að raforka sé framleidd með endurnýjanlegum orkugjöfum. Þetta er beinn stuðningur við slíka orkuframleiðslu innan Evrópu og er þannig hvatning til áframhaldandi upbyggingu innan geirans. Þetta er einnig leið fyrirtækja til að votta sína vöru og þjónustu með alþjóðlegum umhverfisvottunum.