Skýrslan veitir yfirsýn yfir helstu áskoranir sem kerfið stendur frammi fyrir og dregur fram mögulegar aðgerðir til að tryggja afhendingaröryggi, bæta nýtingu orkukerfisins og styðja við áframhaldandi orkuskipti. Niðurstöðurnar byggja á líkindagreiningum og mismunandi sviðsmyndum sem sýna hvernig staða kerfisins kemur til með að þróast með og án aðgerða.

Markmið þessa verkefnis er að greina og meta umhverfisáhrif raforkuflutnings í flutningskerfi Landsnets með aðferðafræði vistferilsgreiningar. Fyrstu niðurstöður greiningar voru birtar árið 2018 en hér er á ferð uppfærð greining miðað við nýrri forsendur.