Undanfarið höfum við unnið að breytingum á skilmála B7 um mæligögn, notkunarferil og notkunarferilsuppgjör í nánu samstarfi við Netorku. Vegna fjölgunar tímamælinga hjá dreifiveitum samhliða snjallmælavæðingu var nauðsynlegt að endurskoða hvernig útreikningar áætlaðra hlutfallstalna og lotudreifingar álestra vegna útreikninga endanlegra hlutfallstalna eru gerðir.

Báðir þessir þættir hafa gengið út frá því að notkunarferill hvers dreifisvæðis sé sambærilegur milli sömu mánaða hvers árs. Við umtalsverða fjölgun tímamælinga er það hins vegar langt frá því að vera raunin og hefur í för með sér tímabundnar skekkjur í útreikningi meðan misræmi er í notkunarferlum hvers mánaðar milli ára.

Breytingarnar sem nú eru lagðar til á skilmála B7 miða að því minnka þá skekkju sem núverandi útreikningar hafa í för með sér.

Fylgiskjöl