Markmið með uppfærslunni er að setja kröfur til orkulunda um aflstuðul (vindlunda) til samræmis við kröfur annarra flutningsfyrirtækja og uppfylla reglugerð ESB. 

• Þörf er á að uppfæra skilmála um tæknilegar kröfur til vinnslueininga til að skilgreina kröfur um hlutfall milli raun- og launaflsvinnslu (aflstuðul, cos(f)) orkulunda.
• Eðli orkulunda er allt annað en virkjana sem við þekkjum og eru í rekstri á Íslandi í dag (sýnkrónrafölum) og eru þeir einnig byggðir upp á annan hátt.
• Víða hafa flutningsfyrirtæki sett aðrar kröfur á tæknilega eiginleika orkulunda enda er lagt upp með það í reglugerð ESB um tengingu vinnslueininga (reglugerð ESB 2016/631).

Breytingar á skilmála D1 um kröfur til vindlunda um aflstuðul voru kynntar í október 2020 og sendar í samþykkt til Orkustofnunar í desember sama ár. Skilmálinn var dreginn til baka úr samþykkt hjá Orkustofnun vegna samræmingar á kröfum til vinnsluaðila með dreifiveitum. Dreifiveitur vinna að sameiginlegum skilmála og áformað var að kynna breytingar fyrir viðskiptavinum þegar drögin liggja fyrir. Skilmáli dreifiveitna liggur enn ekki fyrir í desember 2022. 

Mikilvægt er að halda þróun netmála Landsnets áfram og því hefur verið ákveðið að senda lokaútgáfuna sem send var í samþykkt til Orkustofnunar í desember 2020 aftur í samþykkt til Orkustofnunar í desember 2022. Um er að ræða útgáfu 3.0 sem finna má neðar á síðunni.  

Ferli við gerð netmála Landsnets er opið og gagnsætt. Allar umsagnir sem berast verða birtar opinberlega á heimasíðunni okkar ásamt viðbrögðum okkar við þeim.

Ef einhverjar spurningar vakna endilega hafið samband við okkur á netfangið vidskipti@landsnet.is

Fylgiskjöl