Landsnet óskar eftir tilboðum í jarðvinnu og byggingu undirstaða og spenniþróa vegna stækkunar tengivirkis í landi Stuðla við Reyðarfjörð og vinna það annað sem tiltekið er og lýst í útboðsgögnum STU-01.
Helstu verkþættir eru:• Jarðvinna, gröftur og fylling.
• Gerð forsteyptra undirstaða og frágangur á þeim í tengivirki.
• Gerð staðsteyptra spennaþróa og frágangur á þeim ásamt frárennslislögn.
• Smíði og frágangur trémastra.
• Lagning lagnaleiða og jarðskauta.
• Færsla og lagning á háspennustrengjum og ljósleiðara.
Verkinu skal lokið 29. ágúst 2013 nema færslu á jarðstrengjum sem fara skal fram á tímabilinu frá 30. október til 4. nóvember 2013.
Útboðsgögn verða afhent á geisladiski í móttöku Landsnets, Gylfaflöt 9, 112 Reykjavík frá og með miðvikudeginum 22. maí 2013.
Tilboðum skal skila til móttöku Landsnets, Gylfaflöt 9, 112 Reykjavík fyrir kl. 14:00 föstudaginn 7. júní 2013 þar sem þau verða opnuð, að viðstöddum þeim bjóðendum sem þess óska.