Stjórn Landsnets

Stjórn Landsnets er kosin til eins árs í senn. Til að fullnægja lögbundnum kröfum um fyllsta hlutleysi og jafnræði í störfum ber stjórnarmönnum að vera sjálfstæðir og að öllu leyti óháðir öðrum fyrirtækjum sem stunda vinnslu, dreifingu og sölu raforku.

Starfsreglur stjórnar Landsnets

Stjórn

Haraldur Flosi Tryggvason Klein

Stjórnarformaður

frá 2025

Haraldur er lögfræðingur með Cand.jur.-gráðu frá Háskóla Íslands og framhaldsmenntun í Evrópurétti (Magister Juris) frá Oxford University. Hann lauk jafnframt MBA-gráðu frá Oxford Brookes University.

Haraldur starfar sem lögmaður og ráðgjafi og hefur jafnframt sinnt kennslu og setið í stjórnum fyrirtækja og félagasamtaka. Hann hefur víðtæka reynslu af stjórnarstörfum í opinberum fyrirtækjum, m.a. sem formaður stjórnar Orkuveitu Reykjavíkur og varaformaður stjórnar Landsvirkjunar um tíma.

Harpa Þuríður Böðvarsdóttir

Meðstjórnandi

frá 2025

Harpa er með meistaragráðu í fjármálum fyrirtækja (HR) og í stjórnun og stefnumótun (HÍ/ CBS). Hún starfar sem staðgengill forstjóra hjá Samgöngustofu og hefur verið þar frá 2020.

Áður var hún forstöðumaður stefnu og árangurs hjá Veitum og verkefnastjóri nýrrar heilbrigðisstefnu Íslands (2018–2020). Harpa starfaði einnig í nær 15 ár hjá Actavis, lengst af í stjórnendastöðum á sviði mannauðs og skipulagsþróunar.

Kristján Arinbjarnar

Meðstjórnandi

frá 2025

Kristján er verkfræðingur (HÍ 1984) og Civ. Ing. (DTU 1986) með yfir 35 ára reynslu af hönnun, ráðgjöf og framkvæmdum, m.a. sem framkvæmdastjóri hjá ÍAV (2000–2024).

Hann hefur starfað sjálfstætt frá 2024 og sérhæfir sig í verkefnastjórnun, stefnumótun og kostnaðareftirliti. Að auki hefur Kristján kennt við HÍ og setið í stjórnum ýmissa fagfélaga.

Ruth Elfarsdóttir

Meðstjórnandi

frá 2025

Stefán Pétursson

Meðstjórnandi

frá 2025

Stefán er viðskiptafræðingur frá Háskóla Íslands og með MBA-gráðu frá Babson College í Boston.

Hann starfar sem fjármálastjóri lyfjaþróunarfyrirtækisins EpiEndo Pharmaceuticals og hefur áratuga reynslu úr orku- og fjármálageiranum. Stefán gegndi áður stjórnendastöðum hjá Landsvirkjun og var fjármálastjóri Arion banka um árabil. Hann hefur jafnframt setið í stjórnum fjölda fyrirtækja og stofnana.