Jafnréttisáætlun 2026-2029

Jafnréttisáætlun þessi tekur til alls starfsfólks Landsnets og miðar að því að gera Landsnet að eftirsóknarverðum vinnustað þar sem jafnrétti, jafnræði og vellíðan starfsfólks er höfð í fyrirrúmi.

Jafnréttisáætlun Landsnets tekur til allra mismununarástæðna sem njóta verndar samkvæmt lögum nr. 86/2018 um jafna meðferð á vinnumarkaði.

Lesa lög um jafna meðferð á vinnumarkaði

Þá byggir hún einnig á lögum nr.150/2020 um jafna stöðu og jafnan rétt kynjanna.

Lesa lög um jafna stöðu og jafnan rétt kynjanna

Verndandi mismununarástæður sem lög um jafna meðferð á vinnumarkaði gilda um eru skv. 1 mgr. 1. gr.:

Kynþáttur

Þjóðernisuppruni

Trú

Lífsskoðun

Fötlun

Skert starfsgeta

Aldur

Kynhneigð

Kynvitund

Kyneinkenni

Kyntjáning

Áætluninni er ætlað að leiðbeina starfsfólki og stuðla að gagnkvæmum skilningi milli starfsfólks og stjórnenda um jafnréttismál. Með jafnréttisáætlun þessari uppfyllir

Landsnet skyldu sína sem kveðið er á um í lögum um jafna stöðu og jafnan rétt kynjanna, nr. 150/2020 (hér eftir nefnd jafnréttislög), og öðrum lögum og reglum er snúa að jafnrétti.

Lesa jafnréttislög (nr. 150/2020)

Efnisyfirlit

Markmið

Við leggjum áherslu á jafnan rétt alls starfsfólks til starfa og launa og að öll njóti sömu tækifæra, réttinda og starfsaðstæðna óháð persónulegum einkennum eða öðrum ómálefnalegum þáttum.

Að allt starfsfólk njóti sömu kjara fyrir sömu eða jafn verðmæt störf
Að öllu starfsfólki líði vel í vinnunni og stuðlað sé að jafnvægi milli vinnu og einkalífs.
Störf eru öllu jafna auglýst og skulu jafnréttissjónarmið vega jafnt á við önnur sjónarmið við ráðningar. Hvetja skal einstaklinga til að sækja um auglýst störf, óháð vernduðum eiginleikum þeirra. Ef tveir eða fleiri jafnhæfir einstaklingar sækja um stöðu, skulu þau ganga fyrir við ráðningu sem eru af því kyni sem er í minnihluta í slíkum störfum hjá Landsneti. Umsækjendum sem tilheyra hópi sem nýtur verndar skv. lögum um jafna meðferð á vinnumarkaði skal ekki mismunað við ráðningu.
Að starfsþjálfun, endurmenntun og símenntun sé gerð aðgengileg öllum og að starfsfólk njóti sömu möguleika þegar kemur til þess að auka hæfni í starfi og til starfsþróunar.
Lögð er áhersla á að starfsfólk geti samræmt vinnutíma og einkalíf eins og kostur er. Starfsfólki skal auðveldað að koma aftur til starfa eftir fæðingar- og foreldraorlof eða leyfi úr vinnu vegna brýnna fjölskylduaðstæðna eða langtímaveikinda.
Einelti, kynbundið ofbeldi, kynbundin áreitni og kynferðisleg áreitni er ekki liðin á vinnustaðnum. Að forvarnar- og viðbragðsáætlun sem tekur á kynbundnu ofbeldi, kynbundinni áreitni og kynferðislegu áreitni sé til fyrir vinnustaðinn og hún kynnt ár hvert.
Að jafnréttisáætlun skili tilætluðum árangri og að unnið verði að stöðugum umbótum á stefnunni, henni fylgt eftir og brugðist við ef ástæða er til.

Launajafnrétti

Markmið: Að allt starfsfólk fái jöfn laun og njóti sömu kjara fyrir sömu eða jafn verðmæt störf.

Aðgerð	Verklok/tímarammi	Mælikvarði	Ábyrgð
Viðhalda jafnlaunavottun í samræmi við jafnlaunastaðal ÍST 85:2012.	Alltaf	Óútskýrður launamunur skal vera innan 3% vikmarka.	Forstjóri er ábyrgur en mannauðsstjóri er verkefnastjóri jafnlaunakerfis.
Vinna tölfræðilega launagreiningu á því hvort kynbundinn munur sé á launum og öðrum kjörum starfsfólks. Niðurstöður eru kynntar fyrir starfsfólki.	Ár hvert	Fylgni milli starfaflokkunar og launa verði yfir 90%.	Forstjóri er ábyrgur en mannauðsstjóri er verkefnastjóri jafnlaunakerfis.
Leiði úttekt í ljós kynbundinn eða annan óútskýrðan mun á launum eða öðrum kjörum skal viðeigandi ábyrgðaraðili undirbúa og kynna aðgerðir til umbóta.	Innan tveggja mánaða frá úttekt.	Óútskýrður launamunur skal vera innan 3% vikmarka.	Forstjóri er ábyrgur en mannauðsstjóri er verkefnastjóri jafnlaunakerfis.
Telji starfsmaður sig beittan kjaramisrétti gerir hann stjórnanda sínum rökstudda grein fyrir því og þarf yfirmaður að bregðast við því erindi.	Innan tveggja mánaða frá því að rökstuðningur hefur borist.	Fjöldi athugasemda.	Næsti yfirmaður.

Líðan á vinnustað

Markmið: Að öllum líði vel óháð kyni, aldri, starfsaldri og uppruna.

Aðgerð	Verklok/tímarammi	Mælikvarði	Ábyrgð
Niðurstöður vinnustaðagreiningar greindar með tilliti til jafnréttisbreytna.	Lokið í desember ár hvert.	Tölfræði tekin saman og birt í árlegri jafnréttisskýrslu.	Stjórnendur bera ábyrgð á líðan starfsfólks og mannauðsstjóri ber ábyrgð á vinnustaðagreiningu.
Ef niðurstöður vinnustaðagreiningar gefa til kynna frávik með tilliti til jafnréttisbreytna skal taka rökstudda ákvörðun um hvort gripið sé til aðgerða..	Innan 3ja mánaða.	Niðurstaða vinnustaðagreiningar.	Stjórnendur og mannauður.
Kynna starfsfólki þá velferðarþjónustu sem er í boði.	Ár hvert að benda á úrræði í boði.	Búið að framkvæma árlega kynningu fyrir lok des ár hvert.	Stjórnendur bera ábyrgð á líðan starfsfólks og mannauðsstjóri ber ábyrgð á vinnustaðagreiningu.

Laus störf

Markmið: Störf eru öllu jafna auglýst og skulu jafnréttissjónarmið vega jafnt á við önnur sjónarmið við ráðningar. Hvetja skal einstak linga til að sækja um auglýst störf, óháð vernduðum eiginleikum þeirra. Ef tveir eða fleiri jafnhæfir einstaklingar sækja um stöðu, skulu þau ganga fyrir við ráðningu sem eru af því kyni sem er í minnihluta í slíkum störfum hjá Landsneti. Umsækjendum sem tilheyra hópi sem nýtur verndar skv. lögum um jafna meðferð á vinnumarkaði skal ekki mismunað við ráðningu.

Aðgerð	Verklok/tímarammi	Mælikvarði	Ábyrgð
Í starfsauglýsingum sé notað hlutlaust orðalag og öll hvött til að sækja um. Ekki skal gerð krafa um eiginleika sem ekki eru málefnalegar ástæður til að skilgreina fyrir viðkomandi starf.	Þegar störf eru auglýst til umsóknar.	Mat á umsóknum með hliðsjón af hæfni.	Mannauðsstjóri.
Auka fjölbreytileika í starfsmannahópnum.	Þegar störf eru auglýst til umsóknar.	Tölfræði tekin saman og birt í árlegri jafnréttisskýrslu.	Stjórnendur og mannauðsstjóri.
Gerð sé samantekt yfir auglýst störf, umsækjendur og ráðningar	Lokið í janúar ár hvert.	Tölfræði tekin saman og birt í árlegri jafnréttisskýrslu.	Mannauðsstjóri.
Kynjahlutfall í framkvæmdastjórn sé sem jafnast.	Lok hvers árs.	Tölfræði tekin saman og birt í árlegri jafnréttisskýrslu.	Forstjóri ber ábyrgð á ferlinu og mannauðsstjóri að taka saman tölfræði.
Kynjahlutfall í stjórnendateymi sé sem jafnast.	Lok árs hvers árs.	Tölfræði tekin saman og birt í árlegri jafnréttisskýrslu.	Forstjóri ber ábyrgð á ferlinu og mannauðsstjóri að taka saman tölfræði

Sí- og endurmenntun

Markmið: Að starfsþjálfun, endurmenntun og símenntun sé gerð aðgengileg öllu starfsfólki og að það njóti sömu möguleika þegar kemur til þess að auka hæfni í starfi og til starfsþróunar.

Aðgerð	Verklok/tímarammi	Mælikvarði	Ábyrgð
Greina sókn fólks í sambærilegum störfum í endurmenntun og starfsþjálfun.	Lokið í maí ár hvert.	Niðurstöður árlegrar vinnustaðagreiningar.	Stjórnendur
Starfsþróunarsamtöl (púlssamtöl) eigi sér stað ár hvert og að starfsfólk sé hvatt til að sækja sér endurmenntun eða auka hæfni sína.	Þegar viðeigandi púlssamtal fer fram. Allavega einu sinni á ári.	Fjöldi púlssamtala og niðurstöður árlegrar vinnustaðagreiningar.	Stjórnendur og mannauðsstjóri.
Kynna hlutverk jafnréttisnefndar, jafnréttisstefnu og jafnréttisáætlun Landsnets.	Í nýliðafræðslu og einu sinni á ári til upprifjunar fyrir allt starfsfólk.	Nýliðaferli í JIRA og dagsetning árlegrar kynningar.	Jafnréttisnefnd.

Jafnvægi vinnu og einkalífs

Markmið: Lögð er áhersla á að starfsfólk geti samræmt vinnutíma og einkalíf eins og kostur er. Starfsfólki skal auðveldað að koma aftur til starfa eftir fæðingar- og foreldraorlof eða leyfi úr vinnu vegna brýnna fjölskylduaðstæðna eða langtímaveikinda.

Aðgerð	Verklok/tímarammi	Mælikvarði	Ábyrgð
Sveigjanleiki varðandi vinnutíma sé kynntur starfsfólki sem og möguleikar til að sinna fjarvinnu	Fyrir nýliða og einu sinni á ári til upprifjunar fyrir allt starfsfólk.	Hlutfall nýliða sem hefur fengið kynningu.	Mannauðsstjóri.
Starfsfólk hvatt til að nýta vinnutímastyttingu þar sem það á við.	Í nýliðafræðslu og einu sinni á ári til upprifjunar fyrir allt starfsfólk.	Hlutfall nýliða sem hefur fengið kynningu, auk fjölda skráninga í viðvörukerfi.	Stjórnandi og mannauðsstjóri.
Kynna mikilvægi jafnréttis í töku fæðingarorlofs, veikindafrís og annarrar fjarveru í tengslum við börn og orlof.	Í nýliðafræðslu og einu sinni á ári til upprifjunar fyrir allt starfsfólk.	Árleg samantekt á tölfræði út frá skráningu í Bakvörð.	Stjórnandi ræðir við starfsfólk og mannauður innleiðir í nýliðafræðslu.
Tryggja að starfsfólk fái 20 daga eða fleiri í sumarfrí.	Október ár hvert.	Tímaskráningar.	Stjórnendur og mannauðsstjóri.

Kynbundið ofbeldi, kynbundin áreitni og kynferðisleg áreitni

Markmið: Einelti, kynbundið ofbeldi, kynbundin áreitni og kynferðisleg áreitni er ekki liðin á vinnustaðnum. Að forvarnar- og viðbragðsáætlun sem tekur á kynbundnu ofbeldi, kynbundinni áreitni og kynferðislegu áreitni sé til fyrir vinnustaðinn og hún kynnt ár hvert.

Aðgerð	Verklok/tímarammi	Mælikvarði	Ábyrgð
Fræðsla um einelti, kynbundið ofbeldi, kynbundna- og kynferðislega áreitni og meðferð slíkra mála samkvæmt viðbragðsáætlun fyrir starfsfólk. Starfsfólki sé kynnt réttindi sín og hvert skuli leita verði það fyrir óæskilegri hegðun á vinnustaðnum.	Í nýliðafræðslu og einu sinni á ári til upprifjunar fyrir allt starfsfólk.	Dagsetning fræðslu og JIRA og samskiptaskjal mannauðs.	Mannauðsstjóri og næsti yfirmaður.
Upplýsingar um réttindi og skyldur séu aðgengilegar öllu starfsfólki m.t.t. einstaka sérþarfar t.d. vegna tungumála eða fötlunar.	Eftir þörfum þegar erlent og/eða fatlað starfsfólk er ráðið og sem skilur ekki íslensku eða þarf á fræðslu að halda.	Skjöl séu aðgengileg og á tungumáli sem öll skilja.	Mannauðsstjóri og næsti yfirmaður.
Stjórnendafræðsla um einelti, kynbundið ofbeldi, kynbundna- og kynferðislega áreitni og meðferð slíkra mála fyrir starfsfólk.	Árlega.	Dagsetning fræðslu.	Mannauðsstjóri og næsti yfirmaður.
Stjórnendur og mannauðsteymi kynni sig og hlutverk sitt í tengslum við EKKO stefnu fyrirtækisins þegar nýtt starfsfólk hefur störf.	Yfirmenn og verkstjórar kynni sig og sitt hlutverk fyrir starfsfólki.	JIRA nýliðaferli.	Stjórnendur og mannauður.

Eftirfylgni og endurskoðun

Markmið: Að jafnréttisáætlun þjóni tilgangi sínum og sé í takt við markmið fyrirtækisins í jafnréttismálum.

Aðgerð	Verklok/tímarammi	Mælikvarði	Ábyrgð
Jafnréttisnefnd skilgreinir sérstök átaksverkefni sem koma til árlegrar endurskoðunar á gildistíma viðkomandi áætlunar.	Fyrir lok hvers árs.	Árleg rýni framkvæmdastjórnar.	Jafnréttisnefnd og mannauður.
Uppfæra og endurskoða jafnréttisáætlun og endurskoða og endurskilgreina árangursmælingar.	Fyrir lok hvers árs.	Uppfærð og endurskoðuð jafnréttisáætlun.	Jafnréttisnefnd og mannauður.
Fyrir lok hvers árs.Árleg eftirfylgni Jafnréttisnefndar á jafnréttisáætlun Landsnets.	Fyrir lok Q1 árlega.	Kynning á starfsmannafundi.	Jafnréttisnefnd og mannauður.

Jafnréttisáætlun Landsnet gildir frá 01.03.2026 og skal endurskoðuð á þriggja ára fresti.