Landsnet í samvinnu við HS veitur vinnur nú að því að spennuhækka Vestmannaeyjastreng 3 úr 33 kV í 66 kV.
Öruggt rafmagn, gæði og öryggi flutningskerfisins til einstaklinga, fyrirtækja og stofnana er forgangsmál í stefnu Landsnets. Spennuhækkunin á Vestmannaeyjastrengnum tvöfaldar flutningsgetu raforku til Eyja og eykur til muna afhendingaröryggi og styrkir um leið allt atvinnulíf á staðnum.
Spennusetning í lok nóvember
Vestmannaeyjastrengur 3 var tekinn í rekstur í október 2013 og undirbúningsvinna við spennahækkun strengsins hófst árið 2015 með styrkingu á loftlínum við Hvolsvöll og vinnu við tengivirkið í Rimakoti. Verið er að reisa nýtt tengivirki í Eyjum og reiknað er með að frágangi við tengivirkið verði lokið í byrjun október og er spennusetning strengsins áætluð í lok nóvember 2016.
Mynd; Tekin 20.júlí 2016 - reiknum með að klára að reisa einingar á næstum dögum.