Upplýsinga- og gagnastefna
Upplýsingar Landsnets eru verðmætar eignir. Þær skulu vera réttar, áreiðanlegar, vel varðar og rekjanlegar ásamt því að vera aðgengilegar tímanlega þeim sem þær þurfa.
Við leggjum áherslu á að tryggja örugga og skilvirka meðferð skjala og gagna til að styðja við virðissköpun fyrirtækisins og höfum sett okkur Upplýsingaöryggisstefnu. Auk þess sem öll vinnsla persónuupplýsinga lýtur lögum um persónuvernd.
Við þróum fyrirtækið í að vera gagnadrifið og skilvirkt, nýtum gögn í auknum mæli við ákvarðanatöku, sjálfvirknivæðingu ferla og miðlun upplýsinga til hagaðila.
Við mætum þörfum samfélagsins og valdeflum viðskiptavini með gagnsæi og snjöllum lausnum að leiðarljósi og stefnum að því að vera með gagnagátt fyrir alla sem þurfa að nálgast upplýsingar um orkuviðskipti.
Að tryggja aðgang að réttum upplýsingum og gögnum með samræmdu skipulagi og verklagi á meðhöndlun gagna.
Að tryggja að starfsfólk sé meðvitað um ábyrgð sína sem gagnaeigendur og við myndun og vistun skjala og gagna á samþykktum vistunarstöðum og fái nauðsynlega fræðslu um meðhöndlun gagna.
Að tryggja yfirsýn verkefna og öryggi og áreiðanleika gagna með endurskoðun verklags, eftirfylgni og stöðugum umbótum.
Að bæta söfnun ytri gagna (t.d. markaður, veður o.fl.)
Að innleiða reglulegar mælingar á gagnamenningu okkar.
VIRÐI UPPLÝSINGASTJÓRNUNAR OG GAGNAÞRÓUNAR
Aukin skilvirkni þar sem gögn og skjöl eru tiltæk þegar á þarf að halda, hvort sem það er við ákvarðanatöku eða til að bæta þjónustu við viðskiptavini og hagaðila.
Minni tími og sóun í leit að gögnum.
Aukið öryggi gagna og skjala og betri gagnagæði.
Stuðningur við starfsfólk í hlítingu krafna laga og staðla.
Minni áhætta í rekstri flutningskerfis raforku og í persónuöryggi með góðri stýringu og aðgengi að tæknigögnum.
Með aukinni sjálfvirknivæðingu mun samfélagið geta þjónað sér sjálft varðandi gögn.
Meira traust frá samfélaginu og viðskiptavinum vegna betri gagnagæða.
Minni orðsporsáhætta.
Upplýsinga- og gagnastefna útgefin í janúar 2025