Fjárstýringar- og fjármögnunarstefna

FRAMTÍÐARSÝNIN ER

Fjárstýring og fjármögnun er hluti af stjórnkerfi Landsnets í þeim tilgangi að tryggja markmið félagsins um ábyrgan og hagkvæman rekstur.

Með markvissri áætlanagerð og skipulögðum vinnubrögðum er unnið að því að tryggja hagstæðustu fjármögnun félagsins á hverjum tíma og hagkvæma nýtingu fjármuna

Markmið félagsins með virkri fjárstýringu er að ávallt sé til staðar nægt laust fé til að sinna rekstri og standa við skuldbindingar. Áhersla er á að varðveita eigið fé og stuðla þannig að fjárhagslegum styrk félagsins. Leitast er við að lágmarka fjármagnskostnað og hámarka fjármagnstekjur að teknu tilliti til áhættu. Við stýringu á fjármálaáhættu er miðað við varfærna nálgun.

Framkvæmd fjárstýringar og fjármögnunar skal taka mið af leiðbeiningum og ábyrgðarskiptingu.

ÁHERSLA ER Á

• Að þróun fjárstýringar og fjármögnunar taki mið af langtímaáætlunum félagsins hvað varðar rekstur og fjárfestingar
• Að styrkja fjármögnun félagsins til lengri tíma með því breikka hóp lánveitenda og nýta fjölbreytta fjármögnunarmöguleika.
• Að viðhalda fjárhagslegum styrk félagsins.
• Að efla upplýsingagjöf til lánveitenda og annarra hagaðila.
• Að efla stafrænar lausnir sem styðja við fjárstýringu.

Virði fjárstýringar og fjármögnunar

• Stýring á fjármálalegri áhættu félagins styður við ábyrgan og hagkvæman rekstur félagins.
• Markviss fjárstýring og fjármögnun styður við hagkvæma styrkingu flutningskerfisins.

Útgefið 27.03.2023