Akureyri - Dalvík
Verkefnið Akureyri – Dalvík felst í lagningu nýs 66 kV jarðstrengs, Dalvíkurlínu 2, um 42 km leið frá Akureyri til Dalvíkur. Núverandi tenging, Dalvíkurlína 1, verður áfram rekin í óbreyttri mynd.
Tilgangur verkefnisins er að tryggja örugga orkuafhendingu á Dalvík með tvöföldun tengingar við meginflutningskerfið. Verkefnið er unnið í samstarfi við sveitarfélögin Hörgársveit og Dalvíkurbyggð og stefnt að því að sveitarfélögin geti nýtt þær vinnuslóðir sem lagðar verða meðfram strengskurði sem undirlag fyrir hjólastíg og reiðstíg að hluta.
Í verkefninu felst einnig endurnýjun 66 kV rafbúnaðar í tengivirkinu á Dalvík, uppsetning 66 kV útjöfnunarspólu í tengivirkinu á Rangárvöllum við Akureyri auk breytinga á 66 kV tengivirki á Rangárvöllum.
Áætlað er að verkframkvæmdir hefjist sumarið 2023 og að spennusetning verði í árslok 2024.