Hvalfjörður - Holtavörðuheiði

Landsnet vinnur að mati á umhverfisáhrifum Holtvörðuheiðarlínu 1 (HH1) frá tengivirkinu á Klafastöðum að nýju tengivirki á Holtavörðuheiði. Lagning Holtavörðuheiðarlínu 1 er mikilvægur hlekkur í nýrri byggðalínu og verður línan, 220 kV loftlína, með tvöföldum leiðara. Flutningsgetan verður á milli 800 og 900 MW.  

Markmið með byggingu Holtavörðuheiðarlínu 1 eru að bæta afhendingaröryggi á byggðalínusvæðinu með styrkingu tenginga við afhendingarstaði á meginflutningskerfinu sem einnig eru tengipunktar við svæðisbundnu flutningskerfin. Við það eykst afhendingargeta á öllum afhendingarstöðum á landinu. Aukin flutningsgeta lína á byggðalínusvæðinu kemur þannig í veg fyrir að flutningstakmarkanir hamli eðlilegri atvinnuuppbyggingu og launaþróun í landinu. Bæta nýtingu fjárfestinga í orkukerfi landsins með því að hámarka nýtingu virkjana og vatnasvæða sem nú þegar eru til staðar. Stuðla að orkuskiptum í landinu með því að gera mögulegt að tengja nýja endurnýjanlega orkuframleiðslu við meginflutningskerfið. Eins og fram hefur komið munu orkuskiptin kalla á mikla framleiðslu  endurnýjanlegrar orku, en ekki er til staðar svigrúm til að tengja nýjar orkuframleiðslueiningar við  meginflutningskerfið nema að mjög takmörkuðu leyti.