Beint á efnisyfirlit síðunnar
01.04.2015

Nýjar áherslur í starfsemi Landsnets kynntar á vorfundi

Landsnets efnir til opins vorfundar um stöðu flutningskerfis raforku á Íslandi fimmtudaginn 9. apríl nk. þar sem kynntar verða nýjar áherslur í rekstri félagsins sem hafa m.a. að markmiði að tryggja landsmönnum aðgang að öruggu rafmagni til framtíðar í sátt við samfélag og umhverfi.
01.04.2015

Sýnum aðgæslu til fjalla

Með hækkandi sól aukast ferðalög á fjöllum og því vill Landsnet vekja athygli á því að víða á hálendinu er nú hættulega stutt upp í háspennulínur vegna mikilla snjóalaga.
25.03.2015

Landsnet og PCC semja á ný um orkuflutning vegna kísilvers á Bakka

Landsnet hefur undirritað nýtt samkomulag um raforkuflutninga við PCC vegna kísilvers á Bakka við Húsavík. Þar koma fram ítarlegri skýringar á samkomulagi fyrirtækjanna, samkvæmt leiðbeiningum Eftirlitsstofnunar EFTA (ESA), en voru í fyrri samningi félaganna. Jafnframt hefur nýi samningurinn verið sendur ESA til samþykktar.
17.03.2015

Á annan tug staurastæða brotnuðu í óveðrinu

Þrátt fyrir umfangsmiklar truflanir og útleysingar í raforkukerfi Landsnets í óveðrinu sem gekk yfir landið á laugardag varð tjón á mannvirkjum minna en útlit var fyrir. Á annan tug staurastæða brotnuðu í flutningskerfi landsnes, þar af ellefu í Ísafjarðarlínu efst í Tungudal.
16.03.2015

Laust starf - Umsjónarmaður lagers

Landsnet leitar að öflugum einstaklingi í starf umsjónarmanns lagers. Viðkomandi þarf að vera tilbúin(n) að sinna útköllum utan hefðbundins vinnutíma. Starfið heyrir undir innkaupastjóra í deild Fjármála.
14.03.2015

Byggðalínan í sundur við Borgarnes - veður að ganga niður

Veður er að ganga niður víðast hvar og samhliða því hefur dregið úr truflunum í flutningskerfi Landsnets. Veður er enn slæmt á Vestfjörðum og Norðurlandi og áfram töluverður viðbúnaður hjá Landsneti. Byggðalínan er enn í sundur á Vesturlandi en viðgerðaflokkur frá Landsneti er kominn á staðinn og viðgerð hafin.
14.03.2015

Tilkynning frá Landsneti

Lægðin er að ganga yfir norðan-og norðvestanvert landið með auknum vindstyrk fram til hádegis.
13.03.2015

Landsnet í viðbragðsstöðu vegna stormviðvörunar

Aukinn viðbúnaður er í stjórnstöð Landsnets vegna óveðursins sem gengur yfir landið í dag og morgun og einnig er starfsfólk Landsnets í viðbragðsstöðu, bæði á Akureyri, Brennimel í Hvalfirði og á Suðurlandi.
20.02.2015

Raforkukerfið í brennidepli á aðalfundi Samorku

Raforkukerfi í vanda er yfirskrift opins fundar sem fram fer föstudaginn 20. febrúar í tengslum við aðalfund Samorku, samtaka orku- og veitufyrirtækja á Íslandi sem Landsent á aðild að.
13.02.2015

Sérfræðingur í mannauðsmálum

Landsnet leitar eftir metnaðarfullum og kraftmiklum einstaklingi í starf sérfræðings á sviði mannauðsmála. Hér er um tímabundið starf að ræða, ráðningartími er að lágmarki til loka október mánaðar nk.
12.02.2015

Skýrsla um lagningu jarðstrengja á hærri spennu í íslenska raforkuflutningskerfinu

Áætlaður stofnkostnaður við lagningu 50 kílómetra 220 kV jarðstrengs um Sprengisand með 400 MVA flutningsgetu er um 6,6 milljarðar króna og um 12,6 milljarðar ef lagðir eru tveir strengir með samtals 800 MVA flutningsgetu. Til samanburðar er áætlaður stofnkostnaður 50 km langrar 800 MVA loftlínu um 4,1 milljarður króna.
10.02.2015

Sumarstörf

Búið er að opna fyrir umsóknir vegna sumarstarfa.
06.02.2015

Straumlaust á Reykjanesi

Suðurnesjalína 1 leysti út á Fitjum kl 13:06 og þar með varð straumlaust á öllu Reykjanesi. Ástæða bilunarinnar er að bárujárnsplata fauk á línuna og hangir föst á henni.
02.02.2015

Fitjar – Helguvík útboð

Landsnet hefur auglýst útboð á jarðvinnu og lagningu 132 kV jarðstrengs milli Fitja og Helguvíkur. Verkið felst í jarðvinnu og útdrættu um 8,5 km langs jarðstrengs frá tengivirki við Fitjar á Reykjanesi að væntanlegu tengivirki í Helguvík
20.01.2015

Fyrirbyggjandi aðgerðir vegna flóðahættu á Þjórsársvæðinu

Landsnet hefur breytt staðsetningu háspennuturns í Sigöldulínu 3 í ljósi áhættugreiningar sem benti til þess að þar geti verið „veiki hlekkurinn“ ef svo má að orði komast í raflínukerfinu á Þjórsár- og Tungnaársvæðinu verði hamfarahlaup á svæðinu vegna eldgossins í Bárðarbungu.
07.01.2015

Spennandi tímar framundan segir nýr forstjóri Landsnets

Framundan eru spennandi tímar hjá okkur þar sem stærsta málið er að ná sátt um uppbyggingu raforkuflutningskerfisins og hefjast handa við að styrkja það segir Guðmundur Ingi Ásmundsson sem settist í forstjórastól Landsnets um áramótin.
16.12.2014

Góð mæting í opið hús í Bolungarvík

Hátt í 100 manns mættu í opið hús sem Landsnet stóð fyrir í varaaflsstöðinni í Bolungarvík í gær í tilefni þess að vinnu er nú lokið við stöðina og snjallnetskerfið á Vestfjörðum.
15.12.2014

Landsnets appið

Landsnets appið er komið í App store og Google Play.
12.12.2014

Opið hús í varaaflsstöð Landsnets

Í tilefni þess að vinnu er nú lokið við varaaflsstöðina í Bolungarvík og snjallnetskerfið á Vestfjörðum býður Landsnet Vestfirðingum og örðum sem áhuga hafa í heimsókn í stöðina, mánudaginn 15. desember milli kl. 16-19.
03.12.2014

Landsnet semur um nýjan jarðstreng frá Fitjum til Helguvíkur

Landsnet hefur samið við þýska fyrirtækið Nexans um kaup á jarðstreng sem lagður verður milli Njarðvíkur og Helguvíkur og tengir kísilver United Silicon við raforkuflutningskerfið. Samkomulagið, sem hljóðar upp á tæplega 1,3 milljónir evra, var undirritað af aðstoðarforstjóra Landsnets og fulltrúum Nexans í dag.
01.12.2014

Raforkukerfið slapp stóráfallalaust

Raforkuflutningskerfi Landsnets varð ekki fyrir stóráföllum í óveðrinu sem gekk yfir landið í gær og í nótt. Um níuleytið í gærkvöldi varð straumrof á Búrfellslínu 1 í skamma stund. Á Bolungarvíkurlínum 1 og 2 leysti rafmagn einnig út rétt fyrir hálf þrjú í nótt vegna veðurágangs en við það fór varaaflstöð Landsnets sjálfvirkt í gang.
30.11.2014

Landsnet í viðbragðsstöðu vegna veðurútlits

Landsnet vinnur nú eftir viðbragðsáætlun vegna veðurútlits á vestanverðu landinu í dag. Spáð er aftakaveðri í kvöld, með hættu á seltu og krapa, sem auka líkur á truflunum í flutningskerfinu með hættu á straumleysi.
18.11.2014

Byggðalína úr bráðri hættu á Breiðamerkursandi

Vegna ágangs sjávar hefur byggðalínan austan við Jökulsá á Breiðamerkursandi verið færð lengra upp á ströndina á nokkur hundruð metra kafla. Einungis er þó um bráðabirgðalausn að ræða og þörf á framtíðarlausn til að vernda innviði samfélagsins á þessum slóðum, s.s. brúar- og vegasamband, raflínu- og ljósleiðarasamband.
14.11.2014

Hillir undir betri tíma í raforkumálum á Vestfjörðum

Álagsprófunum á svæðiskerfið vestra vegna tengingar nýrrar varaaflsstöðvar Landsnets í Bolungarvík er lokið nema eitthvað óvænt komi fram við nánari greiningu gagna.Prófanirnar gengu mjög vel en leiddu jafnframt í ljós ýmsar úrbætur sem gera þarf.
14.11.2014

Snörp skoðanaskipti í Reykjavík – opið hús á Akureyri í næstu viku

Um 100 manns mættu í opið hús sem að Landsnet og Vegagerðin stóðu fyrir í rafveituheimilinu í Elliðaárdal í Reykjavík í gær. Þar voru kynnt drög að tillögu að matsáætlun vegna Sprengisandslínu og Sprengisandsleiðar. Starfsmenn fyrirtækjanna og ráðgjafar þeirra ræddu við gesti og svöruðu spurningum.
13.11.2014

Sprengisandslína- opið hús í Reykjavík og á Akureyri

Drög að tillögu að matsáætlun vegna Sprengisandslínu verða kynnt í opnu húsi í Reykjavík fimmtudaginn 13. nóvember og á Akureyri 18. nóvember. Samhliða fer fram kynning á drögum að matsáætlun vegna Sprengisandsleiðar.
12.11.2014

Prófanir lofa góðu um styttingu straumleysistíma vestra

Álagsprófanir á svæðiskerfið vestra síðastliðna nótt lofa mjög góðu um að Landsnet og Orkubúið nái settu markmiði um að stytta verulega straumleysistíma á Vestfjörðum með tilkomu nýju varaaflsstöðvarinnar í Bolungarvík. Prófanirnar náðu til norðanverðra Vestfjarða en í nótt og næstu nótt verður látið reyna á samrekstur varaaflsstöðvarinnar og Mjólkárvirkjunar í eyjarekstri.
11.11.2014

Álagsprófanir ganga vel vestra

Álagsprófanir vegna tengingar varaaflsstöðvarinnar í Bolungarvík við svæðiskerfið vestra hafa gengið vel það sem af er en í nótt geta íbúar í Bolungarvík og á Ísafirði átt von á straumleysi, eins og auglýst hefur verið.
10.11.2014

Byggðalínan er þrítug í dag!

Starfsfólk Landsnets minntist þess með vöfflukaffi og rjómatertu í dag að 30 ár eru frá því að síðasti áfangi byggðalínuhringsins var tekinn í notkun. Lagning byggðalínunnar er eitt mesta umhverfisátak sem ráðist hefur verið í hérlendis og dró verulega úr gróðurhúsaáhrifum þegar skipt var yfir í innlenda endurnýjanlega orkugjafa í stað olíu.
07.11.2014

Álagsprófanir vegna nýrrar varaaflsstöðvar í Bolungarvík

Straumtruflanir verða hjá flestum íbúum Vestfjarða aðfararnótt 13. og 14. nóvember og aðfararnótt 12. nóvember hjá íbúum Bolungarvíkur og Ísafjarðar. Ástæðan er álagsprófanir vegna lokafrágangs í umfangsmiklu uppbyggingarferli raforkumála á svæðinu sem til framtíðar á að draga verulega úr líkum á langavarandi straumleysi á Vestfjörðum.
06.11.2014

Góð mæting og málefnalegar umræður í opnu húsi um Sprengisandslínu

Opið hús var í stjórnsýsluhúsinu á Hellu í gær þar sem fulltrúar Landsnets og Vegagerðarinnar kynntu drög að matsáætlunum vegna fyrirhugaðrar Sprengisandslínu annars vegar og nýrrar Sprengisandsleiðar hins vegar. Daginn áður var haldinn sambærileg kynning í Ljósvetningabúð í Þingeyjarsýslu.
05.11.2014

Umfangmestu jarðstrengjakaup Landsnets

Landsnet hefur samið við sænska kapalframleiðandann NKT Cables AB um kaup á þremur jarðstrengjum fyrir 66 kílóvolta spennu, samanlagt um 45 km að lengd, vegna fyrirhugaðra verkefna á næsta ári. Samkomulagið, sem hljóðar upp á um tvær og hálfa milljón evra var undirritað af forstjóra Landsnets og fulltrúum NKT í höfuðstöðvum Landsnets í dag.
31.10.2014

Yfirgripsmikill haustfundur NSR

„Rekstur raforkuflutningskerfisins er kominn að þanþolum og kerfið getur illa tekið við áföllum í rekstrinum, hvað þá náttúruhamförum“ sagði Þórður Guðmundsson forstjóri Landsnets á haustfundi Neyðarsamstarfs raforkukerfisins (NSR), sem haldinn var í húsakynnum Landsnets þann 29. október.
31.10.2014

Guðmundur Ingi nýr forstjóri Landsnets

Stjórn Landsnets hefur ráðið Guðmund Inga Ásmundsson í starf forstjóra fyrirtækisins. Stjórnarformaður Landsnets, Geir A. Gunnlaugsson, tilkynnti um ráðninguna á fundi með starfsfólki í morgun.
30.10.2014

Prófanir vegna nýrrar varaflsstöðvar í Bolungarvík

Nú styttist í að framkvæmdum Landsnets til að draga úr straumleysi hjá notendum á Vestfjörðum ljúki en þessa dagana standa yfir margvíslegar prófanir á tækni- og vélbúnaði vegna tengingar nýrrar varaaflsstöðvar Landsnets í Bolungarvík við svæðiskerfið vestra.
30.10.2014

Hefja mat á Sprengisandslínu

Landsnet hefur hafið undirbúning að mati á umhverfisáhrifum háspennulínu á milli Suður- og Norðurlands, um Sprengisand.
29.10.2014

Landsnet hefur mat á umhverfisáhrifum Sprengisandslínu

Landsnet hefur ákveðið að hefja undirbúning mats á umhverfisáhrifum Sprengisandslínu, 220 kV háspennulínu milli Suður- og Norðurlands. Því er ætlað að kanna nánar umhverfisáhrif línunnar og leggja mat á kosti um leiðarval og útfærslur. Drög að tillögu að matsáætlun hafa nú verið lögð fram til kynningar á heimasíðu Landsnets og er athugasemdafrestur til 20. nóvember næstkomandi.
10.10.2014

Kerfisáætlun Landsnets 2014-2023 og umhverfisskýrsla

Vinnu við kerfisáætlun Landsnets 2014-2023 og umhverfisskýrslu kerfisáætlunar er nú lokið. Almennt hefur verið tekið tillit til margvíslegra ábendinga sem bárust á kynningartíma og hefur frekari upplýsingum eða rökstuðningi verið bætt við lokaútgáfu umhverfisskýrslunnar. Meginviðbrögð Landsnets við athugasemdunum munu hins vegar koma fram við mótun næstu kerfisáætlunar og umhverfismat hennar.
25.09.2014

GARPUR - rannsókn á áreiðanleika raforkuflutningskerfa komin vel á skrið

Á þriðja tug fræðimanna, sérfræðinga og stjórnenda frá raforkuflutningsfyrirtækjum og háskólum í Evrópu sem tengjast rannsóknarverkefninu GARPUR komu saman hjá Landsneti í liðinni viku til að fara yfir stöðu mála í þeim verkhluta sem Landsnet leiðir í rannsókninni og snýr að rauntímastýringu og skammtímaáætlanagerð raforkukerfisins.
17.09.2014

Staða forstjóra Landsnets er laus til umsóknar

Á ársfjórðungsfundi Landsnets í síðustu viku tilkynnti stjórnarformaður starfsmönnum að Þórður Guðmundsson forstjóri hefði óskað eftir að láta af störfum um næstu áramót.
11.09.2014

Forstjóri Landsnets lætur af störfum um áramót

Kaflaskil verða í starfsemi Landsnets um áramót þegar Þórður Guðmundsson forstjóri lætur af störfum en hann hefur stýrt fyrirtækinu allt frá stofnun þess fyrir 10 árum. Starf forstjóra verður auglýst laust til umsóknar á næstunni.
10.09.2014

Mikill áhugi á að starfa fyrir Landsnet

Vel á annað hundrað svör bárust vegna tveggja starfa sem auglýst voru laus til umsóknar hjá Landsneti á dögunum. Þakkar fyrirtækið öllum umsækjendum fyrir áhugann en fyrirséð er að úrvinnsla þeirra mun taka nokkurn tíma.
03.09.2014

Nýtt tengivirki Landsnets og Orkubús Vestfjarða á Ísafirði

Skref í áttina að betra afhendingaröryggi raforku á Vestfjörðum var stigið í dag þegar iðnaðarráðherra tók formlega í gagnið nýtt tengivirki Landsnets og Orkubús Vestfjarða á Ísafirði. Styrkingar hafa einnig farið fram á Tálknafjarðarlínu og vinna við varaaflsstöð Landsnets í Bolungarvík er langt komin og á hún að vera tilbúin til notkunar fyrir árslok.
28.08.2014

Landsnet hyggst opna starfsstöð á Akureyri

Landsnet kannar nú möguleikana á því að koma á fót viðhalds- og viðbragðsaðstöðu fyrirtækisins fyrir Norðurland og hefur í því sambandi verið auglýst eftir hentugu húsnæði á Akureyri til kaups eða langtímaleigu.
23.08.2014

Landsnet í viðbragðsstöðu vegna eldgossins í Dyngjujökli

Neyðarstjórn Landsnets kom saman kl 15:15 í dag vegna tilkynningar frá Almannavörnum um að gos væri hafið í Dyngjujökli. Miðað við fregnir er um lítið gos að ræða en búast má við að flóðvatn skili sér í Jökulsá á Fjöllum.
22.08.2014

Landsnet fagnar stefnumótun í lagningu raflína

„Landsnet hefur beðið eftir stefnumótun stjórnvalda í þessum málum í um sjö ár og það er von okkar að þetta nái fram að ganga,“ segir Þórður Guðmundsson, forstjóri Landsnets, um drög að tillögu til þingsályktunar um stefnu stjórnvalda í lagningu raflína, sem nú liggur frammi til umsagnar á heimasíðu atvinnuvega- og nýsköpunarráðuneytisins. Þar eru sett fram viðmið og meginreglur sem leggja beri til grundvallar við uppbyggingu á dreifi- og flutningskerfi raforku, m.a. að því er varðar álitamál um hvenær skuli leggja raflínur í jörð og hvenær skuli reisa loftlínur.
15.08.2014

Uppskeruhátíð sumarháskólanema hjá Landsneti

Uppskeruhátíð sumarháskólanema hjá Landsneti fór fram í gær með kynningum á þeim verkefnum sem nemarnir hafa unnið að hjá fyrirtækinu í sumar. Voru þær hinar áhugaverðustu og háskólanemarnir ánægðir með þá reynslu sem þeir höfðu aflað sér hjá Landsneti.
12.08.2014

Endurnýjun Hellulínu 2 undirbúin

Landsnet undirbýr nýja jarðstrengstengingu milli Hellu og Hvolsvallar, sem leysa mun af hólmi núverandi loftlínu, Hellulínu 2, en hún er með elstu línum í flutningskerfinu, eða frá árinu 1948, og þarfnast orðið endurnýjunar.
17.07.2014

Grænt ljós á tengingu kísilvers United Silicon við flutningskerfi Landsnets

Öllum fyrirvörum vegna samkomulags um raforkuflutninga fyrir kísilver United Silicon í Helguvík hefur nú verið aflétt. Hönnun og undirbúningur framkvæmda fer nú á fullan skrið hjá Landsneti og er miðað við að orkuafhending hefjist í febrúar 2016. Áætlaður framkvæmdakostnaður er 1,3 milljarðar króna.
16.07.2014

Á að gera verklag gagnsærra og efla samráð við hagsmunaðila

Drög að frumvarp til laga um breytingu á raforkulögum nr. 65/2003, þar sem kveðið er á með ítarlegum hætti hvernig standa skuli að gerð kerfisáætlunar um uppbyggingu flutningskerfis raforku, er nú til almennrar kynningar á heimasíðu atvinnuvega- og nýsköpunarráðuneytisins. Meginmarkmið frumvarpsins er að tryggja að kerfisáætlun um langtímauppbyggingu raforkuflutningskerfisins á Íslandi fái þann lagalega grundvöll sem nauðsynlegur er fyrir áætlun sem lýtur að jafn mikilvægum grunnkerfum landsins.
24.06.2014

Viðurkenning fyrir framúrskarandi lokaverkefni í tæknifræði

Gunnar Ingi Valdimarsson fékk á dögunum viðurkenningu Tæknifræðingafélags Íslands fyrir lokaverkefni í Háskólanum Reykjavík sem unnið var fyrir Landsnet í vetur, undir leiðsögn Ragnars Guðmannssonar. Titill verkefnisins er „Aukið rekstraröryggi íslenska raforkukerfisins með kvikri álagsstjórnun Norðuráls“ en aðeins þrjú verkefni fengu viðurkenningu fyrir framúrskarandi lokaverkefni í tæknifræði á þessu ári.
23.06.2014

132 tonn hífð inn í varaaflsstöð Landsnets á Vestfjörðum

Varaaflsstöð Landsnets í Bolungarvík er nú óðum að taka á sig mynd. Díselvélarnar sex, sem þar verða til taks frá og með haustinu, komu til landsins í byrjun mánaðarins. Vinnu við að hífa þær á sinn stað í vélahúsinu er nú lokið og hægt að hefjast handa við uppsetningu þeirra og frágang.
20.06.2014

Unnið að auknum rafmagnsflutningi til Eyja

Undirbúningur fyrir aukna rafmagnsflutninga til Vestmannaeyja stendur nú yfir hjá Landsneti og fleiri aðilum í kjölfar lagningar Vestmannaeyjastrengs 3 í fyrra. Hann er gerður fyrir 66 kV spennu en var til að byrja með tengdur á 33 kV spennu, þannig að hægt er að auka flutninginn, án þess að leggja þurfi nýjan streng.
20.06.2014

Falsboð í tölvubúnaði orsök truflunar í raforkukerfinu

Alvarlegar rekstrartruflanir urðu í raforkukerfi Landsnets í fyrradag þegar unnið var að uppfærslu tölvubúnaðar orkustjórnkerfis fyrirtækisins. Atvikið leiddi til mikillar undirtíðni í öllu kerfinu og undirtíðniútleysinga bæði á Austurlandi og Suðvesturlandi. Rekstur byggðalínunnar er löngu kominn að þanmörkum og spennusveiflur tíðar, einkum austanlands, því lítið má út af bregða í stjórn raforkukerfisins.
18.06.2014

Heimildamyndin Lífæðin til Eyja sýnd í Sjónvarpinu

Þegar í ljós kom haustið 2012 að rafmagnsflutningur til eins mikilvægasta sjávarútvegsbæjar Íslands, Vestmannaeyja, hékk á bláþræði var allt kapp lagt á að leggja nýjan og öruggan sæstreng milli lands og Eyja sumarið 2013.
16.06.2014

Forathugun fyrir háspennulínu, veg og virkjanir á Sprengisandi

Forathugun fyrir háspennulínu, veg og virkjanir á Sprengisandi hefur verið unnin fyrir Landsnet, Landsvirkjun og Vegagerðina með það að meginmarkmiði að skapa heildaryfirlit yfir mannvirkjagerð á svæðinu. Nauðsynlegt er að leggja mat á legu vegar og línu saman, ekki síst með tilliti til sjónrænna áhrifa. Æskilegt er að mannvirkin verði á ”mannvirkjabelti” Sprengisands, þó þannig að hæfileg fjarlægð verði ámilli þeirra. Forathugunin er unnin sem undanfari breytinga á skipulagi og umhverfismats og er hugsuð sem fyrsta upplegg til umræðu um valkosti.
28.05.2014

Nýr spennir í tengivirki Landsnets í Fljótsdal

Samsetningu er nú að ljúka á nýjum 100 MVA spenni í tengivirki Landsnets í Fljótsdal og er gert ráð fyrir að hann verði kominn í rekstur í byrjun ágústmánaðar. Nýi spennirinn leysir af hólmi spenni 8 í tengivirkinu og verður hann í framhaldinu sendur til Bretlands í viðgerð.
20.05.2014

Vélbúnaður í varaaflsstöð Landsnets í Bolungarvík á leið til landsins

Vélbúnaður fyrir varadíselrafstöð Landsnets í Bolungarvík er væntanlegur til landsins um hvítasunnuhelgina, eða eftir tæpan mánuð, og er ætlunin að þá hefjist strax vinna við uppsetningu vélanna. Til að það megi verða er nú keppst við að ljúka þeim verkhlutum sem þurfa að vera búnir svo uppsetningin geti hafist en stefnt er að því að stöðin verði gangsett í lok október eða byrjun nóvembermánaðar.
19.05.2014

Vistferilgreining á flutningskerfi Landsnets

Vistferilgreining (Live Cycle Assessment) fyrir öll spennustig loftlína og tengivirkja í flutningskerfi Landsnets leiðir í ljós að árangursríkasta leiðin til að draga úr kolefnisspori fyrirtækisins er að minnka flutningstöp í raforkukerfinu og nota eingöngu leiðara eða háspennuvíra sem framleiddir eru á svæðum þar sem endurnýjanlegir orkugjafar eru nýttir til að framleiða ál, svo sem eins og á Íslandi. Þá sýnir greiningin að umhverifsáhrifin miðað við flutta kílóvattstund (kWh) eru minnst í 220 kílovolta (kV) flutningskerfinu hérlendis.
14.05.2014

Flutningskerfið þarf að styrkja

Skoðanakönnun sem gerð var fyrir Landsnet sýnir að meirihluti svarenda er fylgjandi virkjun og nýtingu endurnýjanlegrar orku og vill áframhaldandi uppbyggingu fjölbreytts iðnaðar. Innan við helmingur svarenda segist verða var við loftlínur í næsta nágrenni sínu eða annars staðar en meirihluti svarenda vill nýta jarðstrengi að minnsta kosti til jafns við loftlínur. Færri vilja hins vegar greiða hærra verð fyrir raforkuna til að fá jarðstrengi í stað loftlína.
13.05.2014

Landsnet sækir um framkvæmdaleyfi fyrir Suðurnesjalínu 2

Landsnet hefur sótt um framkvæmdaleyfi vegna Suðurnesjalínu 2 til sveitarfélaganna Grindavíkur, Hafnarfjarðar, Reykjanesbæjar og Voga. Stefnt er að því að framkvæmdir hefjist um mitt þetta ár og þeim ljúki í árslok 2015, fyrir utan frágangsvinnu sem verði lokið um mitt ár 2016.
12.05.2014

Viðgerð við erfiðar aðstæður lokið á Þeistareykjastreng

Það tekur umtalsvert lengri tíma að gera við jarðstreng en loftlínu við bestu skilyrði, hvað þá þegar veðurfar og snjóalög setja strik í reikninginn, eins og Landsnetsmenn fengu að reyna við viðgerð á Þeistareykjalínu 2, 66 kílóvolta jarðstreng, sem bilaði í ársbyrjun en hefur nú verið tekinn aftur í notkun.
08.05.2014

Orsök straumleysis og spennusveiflna á Austurlandi

Ástæður spennusveiflna í raforkukerfinu á Austurlandi á mánudagskvöld, í kjölfar truflunar í raforkukerfinu á Suðvesturlandi, eru fyrst og fremst raktar til þess að rekstur byggðalínunnar er kominn að þanmörkum. Straumlaust varð víða um tíma eystra og fregnir hafa borist af tjóni á raftækjum.
02.05.2014

Kynning á kerfisáætlun 2014-2023 og drögum að og umhverfisskýrslu

Landsnet efnir til kynningarfundar um kerfisáætlun 2014-2023 og drög að umhverfisskýrslu kerfisáætlunarinnar að morgni þriðjudagsins 6. maí nk. í höfuðstöðvum fyrirtækisins í Reykjavík. Áhugasamir geta einnig fylgst með fundinum í beinni útsendingu á heimasíðu Landsnets.
15.04.2014

Varað við hættu við háspennumannvirki vegna svif- og skíðadreka

Vegna vaxandi notkunar svokallaðra skíðadreka hérlendis - til að draga skíða- og brettafólk yfir snævi þakta grund - vill Landsnet vara við hættum sem geta skapast ef íþrótt þessi er stunduð of nálægt háspennumannvirkjum, sér í lagi háspennulínum.
11.04.2014

Styrking svæðiskerfisins á vestanverðu Suðurlandi

Selfosslína 3, ný jarðstrengstenging milli Selfoss og Þorlákshafnar, er nú í undirbúningi hjá Landsneti til að auka afhendingaröryggi raforku í Hveragerði, Þorlákshöfn og á Selfossi. Framkvæmdin er ekki háð mati á umhverfisáhrifum en breyta þarf aðalskipulagi sveitarfélaganna Árborgar og Ölfuss.
04.04.2014

Hættuástand enn víða við háspennulínur

Með hækkandi sól aukast ferðalög á á fjöllum og því vill Landsnet enn og aftur vekja athygli útvistarfólks á því að víða á landinu er hættulega stutt upp í háspennulínur vegna mikillar snjókomu í vetur. Þar sem ástandið er verst hefur verið gripið til þess ráðs að moka, eða ryðja frá línum og setja upp merkingar.
04.04.2014

Jarðstrengir á hærri spennu töluvert dýrari en loftlínur í Danmörku og Noregi

Lagning jarðstrengja í Noregi og Danmörku er 5 - 10 sinnum dýrari á 400 kV spennu en lagning hefðbundinna loftlína. Þetta kom fram í erindum sem þau Tanja Midtsian frá norsku orkustofnuninni, NVE, og Jens Möller Birkebæk frá Energinet.dk fluttu á almennum kynningarfundi sem nýverið fór fram samhliða aðalfundi Landsnets.
26.03.2014

Stjórn Landsnets endurkjörin

Stjórn Landsnets var endurkjörin á aðalfundi fyrirtækisins sem haldinn var fimmtudaginn 20. mars sl., í framhaldi af fjölsóttum kynningarfundi félagsins. Jafnframt var ársreikningur félagsins 2013 staðfestur en rekstrarniðurstaða ársins var nokkuð betri en áætlanir félagsins gerðu ráð fyrir.
20.03.2014

Knýjandi þörf á stefnumótun stjórnvalda í jarðstrengjamálum

Á meðan niðurstaða fæst ekki í stefnumótun í jarðstrengjamálum er þess ekki að vænta að frekari uppbygging hefjist á næstunni í meginflutningskerfis raforku á Íslandi. Brýnt er því að stjórnvöld marki sem allra fyrst stefnu sem Landsnet getur haft að leiðarljósi í þessu mikilvæga máli, því rekstur raforkukerfisins er orðinn óviðunandi og aðgangur að öruggri raforku í háður búsetu.
19.03.2014

Samið um raforkuflutninga fyrir kísilver í Helguvík

Forstjóri Landsnets undirritaði í dag samkomulag við United Silicon hf. um raforkuflutninga vegna kísilvers í Helguvík. Áætluð aflþörf verksmiðjunnar er 35 megavött (MW) og miðast samkomulagið við að starfsemi hennar hefjist í ársbyrjun 2016.
18.03.2014

Jarðstrengjamál og framtíð flutningskerfisins í brennidepli á kynningarfundi Landsnets

Í tengslum við aðalfund Landsnets 2014 verður að venju efnt til kynningarfundar um starfsemi fyrirtækisins og verður hann haldinn fimmtudaginn 20. mars, kl. 9-11:30 á Hilton Reykajvík Nordica. Allir eru velkomnir á fundinn þar sem fjallað verður um stöðu og framtíðaruppbyggingu flutningskerfis raforku á Íslandi, þar á meðal útfærslur sem geta komið til greina í jarðstrengjamálum auk þess sem sérfræðingar frá Danmörku og Noregi fjalla um stefnuna í jarðstrengjamálum í sínum heimalöndum.
06.03.2014

Nýr tækjabíll Landsnets tekinn í notkun

Nýjasti fjölnota tækjabíll Landsnets fór í jómfrúarferð sína þriðjudaginn 4. mars s.l., þegar unnið var við lagfæringar á Sogslínu 2. Ráðgert er að verkefni þetta taki um þrjá daga.
03.03.2014

Landsnet leitar leiða til að draga úr kostnaði við jarðstrengslagnir

Landsnet hefur ýtt úr vör rannsóknarverkefni til að greina hagkvæmustu kosti við val á jarðstrengjum og lagningu þeirra og frágang, með tilliti til flutningsgetu, áreiðanleika, umhverfis og kostnaðar. Lykilráðgjafar eru frá danska flutningsfyrirtækinu Energinet.dk, StellaCable í Danmörku og Háskólanum í Reykjavík.
27.02.2014

Eignarnám heimilað vegna Suðurnesjalínu 2

Iðnaðar- og viðskiptaráðherra hefur heimilað Landsneti að taka eignarnámi tiltekin landsréttindi á Reykjanesskaga vegna framkvæmda við Suðurnesjalínu 2, háspennulínu milli Hafnarfjarðar og Grindavíkurbæjar. Reynt var til þrautar að ná samningum við alla landeigendur en nokkrir höfnuðu samningum og var því leitað eftir formlegri eignarnámsheimild í febrúar 2013, eins og raforkulög mæla fyrir.
21.02.2014

Sýnum aðgæslu til fjalla

Landsnet beinir þeim tilmælum til útivistarfólks og annarra sem eru á ferð nærri háspennulínum til fjalla og á hálendinu að fara varlega. Fannfergi er víða svo mikið að hættulega stutt er upp í línuleiðarana. Verst er ástandið á norðanverðum Vestfjörðum og í öryggisskyni hefur spenna verið tekin af Bolungarvíkurlínu 1.
20.02.2014

Landsent tilnefnt til menntaverðlauna atvinnulífsins 2014

Landsnet er í hópi átta fyrirtækja sem tilnefnd eru til menntaverðlauna atvinnulífsins sem veitt verða í fyrsta sinn í byrjun næsta mánaðar. Verðlaunin eru veitt fyrirtækjum sem hafa staðið sig vel á sviði fræðslu- og menntamála. Fjögur fyrirtæki eru tilnefnd sem menntafyrirtæki ársins og fjögur fyrirtæki eru tilnefnd sem menntasproti ársins og er Landsnet í þeim hópi.
19.02.2014

Landsnet með vottun í umhverfis- og vinnuöryggisstjórnun

Vottun hf. hefur staðfest að Landsnet starfrækir stjórnunarkerfi umhverfis- og vinnuöryggismála, sem samræmast kröfum í alþjóðlegu stjórnunarstöðlunum ISO 14001 og OHSAS 18001. Ari Arnalds, gæðastjóri hjá Vottun hf. afhenti forstjóra Landsnets skírteini því til staðfestingar við athöfn í gær.
18.02.2014

Launaflsvirki Landsnets á Klafastöðum við Grundartanga tekið í notkun

Nýtt launaflsvirki Landsnets á Klafastöðum við Grundartanga var formlega tekið í notkun þegar Ragnheiður Elín Árnadóttir iðnaðarráðherra spennusetti virkið við athöfn í dag. Þetta er stærsta einstaka verkefni Landsnets á liðnum árum og nam heildarkostnaður rúmum tveimur milljörðum króna. Launaflsvirkið bætir verulega rekstur raforkuflutningskerfis Landsnets, eykur afhendingaröryggi og gerir Landsneti kleift að flytja meiri orku inn á Grundartangasvæðið.
13.02.2014

Rafmagnstruflanir á Vestfjörðum

Nokkrar truflanir hafa verið síðustu daga í flutningskerfi Landsnets á Vestfjörðum vegna ísingar og bilana. Varaafl hefur verið keyrt til að brúa það bil sem upp á hefur vantað því Mjólkárstöð annar ekki öllu svæðinu.
12.02.2014

Landsnet og PCC semja um orkuflutning fyrir kísilver á Bakka

Landsent hefur undirritað samkomulag um raforkuflutninga við PCC BakkiSilicon hf., dótturfyrirtæki þýska félagsins PCC SE, sem hyggst byggja kísilver á Bakka við Húsavík. Þetta er fyrsti samningurinn sem Landsnet gerir vegna fyrirhugaðrar iðnaðaruppbyggingar á Bakka. Áætluð aflþörf fyrsta áfanga verksmiðunnar er 52 megavött (MW) og miðast samkomulagið við að starfsemin hefjist árið 2017.
11.02.2014

Ný skýrsla um líftímakostnað loftlína og jarðstrengja

Skýrsla sem Verkfræðistofan Efla vann fyrir Landsnet um líftímakostnað loftlína og jarðstrengja sýnir að kostnaðurinn er algerlega háður aðstæðum hverju sinni og því ekki hægt að fastsetja ákveðið hlutfall. Niðurstöðurnar sýna einnig að verulegur munur getur verið á kostnaði jarðstrengja eftir aðstæðum en þær hafa heldur minni áhrif á kostnað loftlína.
10.02.2014

Orsök straumleysis á Austurlandi

Röð atvika í flutningskerfi Landsnets leiddi til þess að rafmagn fór af Austurlandi sl. laugardagsmorgun, þ.á.m. af kerskála Fjarðaáls í Reyðarfirði. Upphaf atburðarrásarinnar má rekja til bilunar í stjórnbúnaði spennis við Sigölduvirkjun.
07.02.2014

Landsnet á framadögum háskólanna

Fjölmargir heimsóttu kynningarbás Landsnets á framadögum háskólanna sem fram fóru í Háskólanum í Reykjavík í gær, fimmtudaginn 5. febrúar, og fengu kynningu á fyrirtækinu og starfsemi þess ásamt upplýsingum um laus störf.
30.01.2014

Engin hækkun á flutningsgjaldskrá Landsnets til almennings

Flutningsgjaldskrá Landsnets til dreifiveitna, og þar með almennings, var ekki hækkuð um áramótin og var sú ákvörðun tekin með tilliti til þeirrar umræðu sem er í þjóðfélaginu vegna baráttunnar gegn verðlagshækkunum.
22.01.2014

Nýr viðbótaráfangi í tengivirki Landsnets á Stuðlum tekinn formlega í notkun

Endurbótum og stækkun á tengivirki Landsnets á Stuðlum við Reyðarfjörð er nýlega lokið og tók bæjarstjóri Fjarðabyggðar virkið formlega í notkun við athöfn í dag. Samhliða hefur Stuðlalína 1 verið spennuhækkuð. Þessar framkvæmdir eru fyrsti áfanginn í aðgerðaráætlun Landsnets til að auka flutningsgetu og áreiðanleika svæðisflutningakerfisins á Austurlandi.
15.01.2014

Nýr snjóbíll Landsnets á Austurlandi

Landsnet hefur fengið afhentan nýjan snjóbíl sem staðsettur verður á Austurlandi og bætir tilkoma hans til muna getu fyrirtækisins í að bregðast við áföllum, eins og dunið hafa á línukerfið undanfarnar vikur.
10.01.2014

Búðarhálslína og nýtt tengivirki Landsnets formlega tekin í notkun

Nýtt tengivirki Landsnets við Búðarháls og Búðarhálslína 1 voru tekin formlega í notkun þegar Ragnheiður Elín Árnadóttir iðnaðarráðherra spennusetti virkið í dag - og tengdi þar með Búðarhálsvirkjun við meginflutningskerfi Landsnets. Prófanir á vélbúnaði virkjunarinnar fara nú í hönd og hefst raforkuframleiðsla inn á kerfið innan tíðar. Búðarhálstengivirkið er hannað með það fyrir augum að hægt verði að stækka það síðar, verði t.d. ný flutningslína til Norðurlands, svokölluð Norður-suðurtenging, byggð.
20.12.2013

Þakkir til íbúa Hafnar í Hornafirði

Landsnet þakkar íbúum Hafnar fyrir þolinmæðina meðan á framkvæmdum stóð við lagningu 132 kV jarðstrengs frá Ægissíðu að dísilstöð RARIK við Krosseyjarveg.
19.12.2013

Mannauðurinn mikilvægur hjá Landsneti

Landsnet stendur fyrir á sjötta tug námskeiða á fyrri hluta næsta árs fyrir starfsmenn en rík áhersla er lögð á að þeir sem vinna hjá fyrirtækinu geti aukið þekkingu sína og hæfni - til að vera betur í stakk búnir til að takast á við þær áskoranir sem Landsnet stendur frammi fyrir.
16.12.2013

Landsnet styrkir Geðhjálp og Leiðarljós

Leiðarljós, stuðningsmiðstöð fyrir fjölskyldur barna með sjaldgæfa og alvarlega langvinna sjúkdóma, og Geðhjálp fengu í dag afhenta fjárhagsstyrki frá Landsneti sem ætlaðir eru til að styrkja hið góða og öfluga starf sem fram fer hjá þessum samtökum.
13.12.2013

Nýtt mat á framkvæmdakostnaði við 220 kV jarðstreng og líftímakostnaðarmat á 220 kV línu og jarðstreng

Nýtt líftímamat á 220 kV línu og jarðstreng annars vegar og mat á framkvæmdakostnaði við 220 kV jarðstreng hins vegar sem unnin eru fyrir Landsnet voru kynnt á fjölmennum morgunverðarfundi Verkfræðingafélags Íslands og Tæknifræðingafélags Íslands á Grand hótel í Reykjavík í morgun. Þar kom m.a. fram að núvirtur líftímakostnaður 220 kV jarðstrengs í í útjaðri íbúabyggðar er hátt í 270 milljónir króna á km á meðan líftímakostnaður 220 kV loftlínu við sömu aðstæður er ríflega 105 milljónir króna.
12.12.2013

Búðarhálslína tilbúin fyrir raforkuflutning

Búðarhálslína 1, sem flytja mun raforku frá Búðarhálsvirkjun, hefur nú verið tengd við meginflutningskerfi Landsnets ásamt nýju tengivirki við Búðarháls. Raforkuflutningur frá Búðarhálsvirkjun á að hefjast í byrjun næsta árs.
09.12.2013

Drög að umhverfisskýrslu kerfisáætlunar Landsnets kynnt í mars

Stefnt er að því að drög að skýrslu vegna umhverfismats á kerfisáætlun Landsnets liggi fyrir í marsmánuði en þetta er í fyrsta sinn sem unnið er að umhverfismati á kerfisáætlun fyrirtækisins. Alls bárust 10 athugasemdir við matslýsingu sem kynnt var í byrjun nóvember og telur Landsnet að hægt verði að taka tillit til flestra þeirra við matsvinnuna.
06.12.2013

Orkustofnun gefur grænt ljós á byggingu Suðurnesjalínu 2

Orkustofnun hefur veitt leyfi fyrir byggingu og rekstri Suðurnesjalínu 2, rúmlega 32 km langrar 220 kV loftlínu sem verður fyrst um sinn rekin á 132 kV spennu, frá tengivirki við Hamranes í Hafnafirði um Voga, Reykjanesbæ og Grindavíkurbæ að tengivirki við Rauðamel, um fimm km norðan við Svartsengi.
05.12.2013

Vinnuslys í Þórudal

Líðan starfsmanns Landsnets á Austurlandi sem slasaðist alvarlega í gær er eftir atvikum. Hann hlaut áverka bæði á höfði og á hálsi. Gert var að sárum hans á Egilsstöðum og var hann síðan fluttur með sjúkraflugi til Reykjavíkur þar sem hann var undir eftirliti lækna á gjörgæslu Landspítalans í nótt en er nú kominn á almenna deild.
04.12.2013

Aukið afhendingaröryggi raforku í Borgarfirði og á Snæfellsnesi

Áætlað er að framkvæmdum við stækkun tengivirkis Landsnets á Vatnshömrum í Borgarfirði ljúki í janúar 2014. Stækkunin eykur afhendingaröryggi raforku á Vesturlandi og eiga notendur ekki að verða fyrir neinum truflunum meðan á framkvæmdum stendur.
29.11.2013

Hert á öryggismálum í kjölfar alvarlegs óhapps

Landsnet ætlar í kjölfar alvarlegs óhapps á dögunum að efna til kynningarherferðar um öryggismál og mikilvægi þess að tryggja að verktakar og aðrir framkvæmdaaðilar taki tillit til háspennumannvirkja við áhættugreiningu verkefna.
25.11.2013

Tengivirki á Ísafirði að taka á sig mynd

Nýtt tengivirki Landsnets innan við Ísafjarðarbæ er nú óðum að taka á sig mynd. Steypuvinnu er lokið, búið er að setja upp límtrésbita og vinna hafin við að ganga frá þakeiningum.
13.11.2013

Nýtt beltatæki Landsnets reynist vel

Sérútbúið beltatæki fyrir vinnu við háspennulínur og möstur sem Landsnet hefur fest kaup á kom að góðum notum á Hallormsstaðahálsi á dögunum þegar skipta þurfti um brotna einangra og lagfæra leiðara á Fljótsdalslínu 2.
11.11.2013

Varaafl á Vestfjörðum

Byggingu nýs tengivirkis og varaaflstöðvar Landsnets í Bolungarvík miðar vel áfram og er stefnt að því að stöðin verði tekin í notkun í október 2014. Hún á að tryggja orkuafhendingu á norðanverðum Vestfjörðum og tengivirkið leysir af hólmi núverandi virki í Bolungarvík sem er á snjóflóðahættusvæði. Áætlaður heildarkostnaður við verkefnið er um hálfur annar milljarður króna.
07.11.2013

Lærdómsrík neyðaræfing

Um 300 manns tóku á einn eða annan hátt þátt í neyðaræfingu þar sem æfð voru viðbrögð vegna stórfellds eldgoss í Vatnajökli sem stöðvaði raforkuframleiðslu og –flutninga frá Þjórsársvæðinu og olli alvarlegum raforkuskorti á landinu, aðallega á Suðvestur- og Vesturlandi.
04.11.2013

Neyðaræfing 1311

Landsnet hefur á undanförnum árum æft viðbrögð við meiriháttar náttúruvá eins og eldgosum, jarðskjálftum, öskufalli og mikilli ísingu. Hafa allar þessar æfingar skilað mikilvægum athugasemdum sem hafa verið nýttar til að endurbæta áætlanir fyrirtækisins.
04.11.2013

Endurbætur á Tálknafjarðarlínu

Starfsmenn Landsnets, Orkubús Vestfjarða og verktakar hafa undanfarið unnið að endurbótum á Tálknafjarðarlínu 1, milli Mjólkárvirkjunar og Tálknafjarðar, til að bæta rekstraröryggi línunnar en nokkuð hefur verið um truflanir á henni í verstu veðrum.
01.11.2013

Landsnet kynnir matslýsingu vegna umhverfismats kerfisáætlunar

Landsnet hefur ákveðið að vinna umhverfismat kerfisáætlunar 2014-2023 samhliða mótun áætlunarinnar. Ákvörðunin byggir á úrskurði umhverfis- og auðlindaráðherra frá 21. maí 2013 og geta hagsmunaðilar gert athugasemdir við matslýsingu næstu fjórar vikurnar.
31.10.2013

Þeistareykjalína 2 spennusett

Þeistareykjalína 2, 66 kV jarðstrengur að Þeistareykjum, var spennusett 29. október sl. Strengurinn liggur um 11 km leið frá Kópaskerslínu 1 við Höfuðreiðarmúla að Þeistareykjum.
30.10.2013

Landsnet lækkar gjaldskrá upprunaábyrgða endurnýjanlegrar orku

Gjaldskrá Landsnets vegna upprunaábyrgðar á raforku hefur verið lækkuð um tæplega 40% þar sem tekjur fyrirtækisins af útgáfu upprunaskírteinanna hafa reynst umtalsvert meiri en gert var ráð fyrir þegar útgáfa þeirra hófst fyrir tæpum tveimur árum.
24.10.2013

Snjöll orkunýting í Eyjum

Landsnet hefur boðið hagsmunaðilum í Vestmannaeyjum til samstarfs um betri orkunýtingu í Vestmannaeyjum og var hugmyndin kynnt í tengslum við formlega spennusetningu nýs sæstrengs til Eyja á dögunum.
24.10.2013

Aukinn kostnaður vegna flutningstapa í raforkukerfinu

Verð á rafmagni sem Landsnet kaupir til að mæta flutningstapi í raforkukerfinu hækkaði umtalsvert í nýafstöðnu útboði og mun það leiða til gjaldskrárhækkunar á flutningstöpum hjá fyrirtækinu. Lætur nærri að verðið hækki um helming milli ára en undanfarin ár hefur meðalverðið farið lækkandi. Meginskýringin á hækkuninni nú er minna framboð raforku og meiri töp í flutningskerfinu.
14.10.2013

Svar við opnu bréfi til Landsnets

Raforkukerfi Landsnets gegnir mikilvægu hlutverki sem þjóðbraut raforkunnar og á að tryggja almenningi og fyrirtækjum landsins öruggan aðgang að rafmagni – sem fæstir geta verið án í okkar nútímasamfélagi.
09.10.2013

Nýr sæstrengur Landsnets til Vestmannaeyja tekinn í gagnið

Iðnaðarráðherra, Ragnheiður Elín Árnadóttir, spennusetti í dag Vestmannaeyjastreng 3 en aðeins er rúmt ár frá því ákveðið var að flýta strenglögninni til að tryggja orkuöryggi Vestmannaeyja til næstu framtíðar. Mun slíkur framkvæmdahraði við lagningu sæstrengs vera óþekktur í heiminum. Upplýst var við athöfnina í dag að þörf væri fyrir enn annan sæstreng til Eyja innan næsta áratugar og væri undirbúningur þess verkefnis þegar hafinn hjá Landsneti.
01.10.2013

GARPUR í tímariti Háskólans í Reykjavík

Fjallað er um rannsóknarverkefnið GARPUR, sem á dögunum 1,2 milljarða styrk úr 7. rammaáætlun Evrópusambandsins, í nýjasta tölublaði tímarits Háskólans í Reykjavík en skólinn og Landsnet standa að verkefninu ásamt öðrum evrópskum háskólum, rannsóknarstofnunum og raforkuflutningsfyrirtækjum.
26.09.2013

Truflun í flutningskerfinu

Umtalsverð truflun varð í rekstri flutningskerfis Landsnets rétt fyrir kl. 18 í gærkvöldi vegna útleysingar stóriðju á Suðvesturlandi.
20.09.2013

Góður gangur í byggingu nýs tengivirkis Landsnets á Ísafirði

Framkvæmdir við nýtt tengivirki Landsnets á Ísafirði ganga vel og stefnt að því að það verði komið í gagnið um mitt næsta sumar. Verkefnið er unnið í samvinnu við Orkubú Vestfjarða og er áætlaður heildarkostnaður við það um hálfur milljarður króna.
19.09.2013

Fimm staurastæður brotnar í Laxárlínu 1

Við skoðun á Laxárlínu 1 í gær kom í ljós að fimm staurastæður hafa brotnað í línunni vegna ísingarálags í óveðrinu sem gekk yfir landið um og upp úr helgi. Töluverðar truflanir urðu í flutningskerfi Landsnets í óveðrinu en þetta eru einu skakkaföllin sem kerfið varð fyrir svo vitað sé.
16.09.2013

Truflanir í flutningskerfi vegna óveðurs en lítið um straumleysi

Raforkuflutningskerfi Landsnets hefur ekki orðið fyrir neinum stóráföllum í óveðrinu sem gengið hefur yfir landið í gær og í dag. Útleysingar hafa orðið á flutningslínum á nokkrum stöðum en þær hafa ekki valdið rafmagnsleysi, nema stutta stund í gærkvöldi í Vík í Mýrdal og nágrannasveitum.
16.09.2013

Spálíkön um ísingu á raflínum að líta dagsins ljós

Landsnet hefur á undanförnum árum beitt sér fyrir og unnið að þróun aðferða til að herma áhleðslu ísingar á raflínur. Vonir standa til að innan tíðar verði hægt að beita veðurfarslíkönum og sérstökum ísingarlíkönum til að kortleggja og herma þessa þætti og spá í framhaldinu nokkra daga fram í tímann fyrir um ísingu á loftlínum. Í tengslum við verkefnið hafa íslenskir sérfræðingar aðstoðað við mat á ísingarhættu vegna línulagna í Kanada.
12.09.2013

Yfirstjórn Landsnets í vettvangsferð á hálendinu og eystra

Stjórn og framkvæmdastjórn Landsnets lögðu á dögunum land undir fót og skoðuðu fyrirhugaðar línuleiðir yfir hálendið og á Norðaustur- og Austurlandi, heimsóttu virkjanir og skiptust á skoðunum við sveitarstjórnarmenn. Ferðin stóð yfir á fjórða dag og var mjög upplýsandi fyrir bæði fulltrúa Landsnets og viðmælendur þeirra.
09.09.2013

Þjóðhagslegt gildi uppbyggingar flutningskerfis Landsnets

Ef ekki verður farið í frekari uppbyggingu flutningskerfis raforku á Íslandi mun það á næstu árum leiða af sér ýmsa erfiðleika hjá raforkunotendum og kosta þjóðfélagið milli þrjá og 10 milljarða króna á ári – eða á bilinu 36 – 144 milljarða króna næsta aldarfjórðunginn samkvæmt niðurstöðum nýrrar skýrslu sem unnin var fyrir Landsnet.
06.09.2013

Landsnet kærir ákvörðun Skipulagsstofnunar um Kröflulínu 3

Landsnet hefur sent úrskurðanefnd umhverfis- og auðlindamála kæru vegna ákvörðunar Skipulagsstofnunar frá 9. ágúst 2013 um tillögu að matsáætlun Kröflulínu 3, nýrrar 220 kV háspennulínu frá tengivirki við Kröflustöð að tengivirki við Fljótsdalsstöð.
15.08.2013

HR og Landsnet í samstarf

Háskólinn í Reykjavík og Landsnet hafa undirritað samstarfssamning um eflingu rannsókna og menntunar á sviðum áhættugreiningar, raforkuflutnings, kerfisreksturs og upplýsingatækni.
15.07.2013

Lagningu sæstrengs til Vestmannaeyja lokið

Lagningu Vestmannaeyjastrengs 3, tæplega 13 kílómetra langs sæstrengs milli lands og Eyja, lauk síðdegis föstudaginn 12. júlí eftir fjögurra daga snarpa vinnutörn. Stefnt er að því að ljúka lagningu jarðstrengja að sæstrengnum á Landeyjasandi og í Vestmannaeyjum á næstu vikum og standa vonir til þess að tengivinnu verði lokið í ágústmánuði.
04.07.2013

Slæmar veðurhorfur tefja framkvæmdir við sæstreng

Djúp lægð sem væntanleg er upp að sunnanverðu landinu á föstudag setti strik í þau áform Landsnets að hefja lagningu nýs sæstrengs, Vestmannaeyjastrengs 3, milli Landeyjafjöru og Vestmannaeyja í gærkvöldi. Vonir standa til að hægt verði að leggja strenginn þegar líður á næstu viku.
28.06.2013

Nýr rafstrengur til Vestmannaeyja

Framkvæmdir standa nú yfir við lagningu nýs sæstrengs til Vestmannaeyja - Vestmannaeyjastreng 3 - og er stefnt að því að klára verkið í júlí og tengja, eða spennusetja hann síðsumars eða í haust.
25.06.2013

Opnun tilboða BOL-03 - Jarðvinna

Tilboð í "jarðvinnu" skv. útboðsgögnum BOL-03 dags. í júní 2013, voru opnuð þann 25. júní 2013 á skrifstofu Landsnets, Gylfaflöt 9, 112 Reykjavík kl. 14.03
30.05.2013

Útboð BOL-32

Díeselrafstöðvar fyrir nýtt tengivirki í Bolungarvík
30.05.2013

Útboð BOL- 32 Díeselrafstöðvar fyrir nýtt tengivirki í Bolungarvík

Landsnet óskar eftir tilboðum í afhendingu og uppsetningu á 6 stk. díselrafstöðvum ásamt fylgibúnaði fyrir nýtt tengivirki í Bolungarvík í samræmi við útboðsgögn BOL-32. Verkið felur í sér framleiðslu, afhendingu, uppsetningu ásamt prófunum á 6 díeselrafstöðvum og fylgibúnaði ásamt því að vinna það annað sem tiltekið er og lýst í útboðsgögnum BOL-32
28.05.2013

Útboð STU-01 Tengivirki Stuðlum Byggingarvirki

Landsnet óskar eftir tilboðum í jarðvinnu og byggingu undirstaða og spenniþróa vegna stækkunar tengivirkis í landi Stuðla við Reyðarfjörð og vinna það annað sem tiltekið er og lýst í útboðsgögnum STU-01.
28.05.2013

ÚTBOÐ ISA-01 Tengivirki á Ísafirði

Landsnet óskar eftir tilboðum í jarðvinnu, byggingu og fullnaðarfrágang húss og lóðar fyrir nýtt tengivirki á Ísafirði í samræmi við útboðsgögn ISA-01. Verkið felur í sér jarðvinnu og byggingu staðsteypts húss yfir rofabúnað, spenna og stjórnbúnað á einni hæð. Húsið verður í tveimur hlutum, rofasalur og spennahólf sem verða samtals um 300 m² að grunnfleti og stjórnhluti sem verður um 70 m² að grunnfleti.
22.05.2013

Tveir 100 MVA varaspennar Landsnets komnir til landsins

Vegna langs framleiðslutíma og til að stytta viðgerðartíma spenna hefur Landsnet nú fjárfest í tveimur 100 MW aflspennum, 220/132 kV, sem eru hannaðir með þeim hætti að þeir geta leyst af sambærilega spenna í flutningskerfinu.
08.05.2013

Raforkuafhending skert fyrir norðan og austan vegna lélegs vatnsbúskapar

Síðustu daga hefur Landsnet þurft að skerða afhendingu rafmagns til nærri allra kaupenda svokallaðrar skerðanlegrar raforku á Norður- og Austurlandi og er allt útlit fyrir að það ástand muni vara áfram í þessum landshlutum næstu vikurnar. Ástæðan er lélegur vatnsbúskapur stærstu vatnsaflsvirkjana í landshlutunum og takmörkuð flutningsgeta Byggðalínu til að flytja rafmagn frá Suðvesturlandi til Norðausturlands.
12.03.2013

Álag á orkuflutningskerfi Landsnets í sögulegu hámarki

Í síðustu viku var raforkunotkun í landinu í sögulegu hámarki en alla vikuna var óvenju mikið álag á raforkukerfið. Álagið náði hámarki í óveðrinu rétt fyrir hádegi miðvikudaginn 6. mars en þá mældist 5 mínútna afltoppur 2.222 MW og er það í fyrsta skipti sem afltoppur í flutningskerfinu mælist yfir 2.200 MW.
14.02.2013

Til hamingju allir starfsmenn Landsnets!

Þann 17. desember s.l. var gerð svokallað „Aðlagað eftirlit“ hjá Landsneti. Slíkt eftirlit gengur út á að skoða skipulag og virkni innra vinnuverndarstarfs hjá Landsneti og að vinnuaðstæður starfsmanna séu í samræmi við lög og reglur.
12.02.2013

Heimsmet undirbúið!

Þann 14. janúar síðastliðinn skrifaði Þórður Guðmundsson undir samning á milli Landsnets og ABB AB um framleiðslu og lagningu sæstrengs til Vestmannaeyja.
01.02.2013

Sumarvinna unglinga og háskólanema

Á hverju sumri veitir Landsnet hópi skólafólks á framhaldsskólastigi vinnu við margvísleg störf, s.s. viðhaldsverkefni, umhirðu og uppgræðslustörf. Tekið er á móti umsóknum ungmenna sem fædd eru á árunum 1993-1997.
18.01.2013

Skemmdir á flutningskerfinu í óveðri í lok árs 2012

Miklar skemmdir urðu á flutningskerfi Landsnets á Vesturlandi í óveðrinu sem skall á landið 29. desember síðastliðinn. Einnig urðu minniháttar skemmdir á flutningskerfinu á Vestfjörðum. Starfsmenn netrekstrardeildar stóðu í ströngu við viðgerðir í erfiðum aðstæðum.
06.12.2012

Vegna umfjöllunar fjölmiðla um gjaldskrárhækkunartillögur Landsnets

Undanfarna daga hefur því verið haldið fram í fjölmiðlum að með hækkun á gjaldskrá sinni til stórnotenda sé Landsnet að hækka flutningsverð til almennings. Þessu hafnar Landsnet, enda með öllu óheimilt samkvæmt lögum og útilokað að Orkustofnun myndi samþykkja slíkt. Það er grundvallaratriði að raforkuflutningur til stórnotenda eins og annarra viðskiptavina Landsnets, standi undir þeim kostnaði sem honum fylgir. Tillögur fyrirtækisins miðast við þetta. Væri það ekki gert mætti saka Landsnet um að flytja kostnað yfir á almenning en ekki öfugt eins og fjölmiðlar gefa nú til kynna.
11.10.2012

Verðlækkun á rafmagni til flutningstapa

Flutningstöp er sú raforka sem tapast vegna viðnáms í flutningslínum og spennum í flutningskerfi Landsnets og hefur Landsnet tryggt sér kaup á þessu rafmagni til eins árs í senn. Fyrir flutningstöp á árinu 2013 var sex orkufyrirtækjum boðið að taka þátt í útboðinu, Fallorku, HS Orku, Landsvirkjun, Orkubúi Vestfjarða, Orkusölunni og Orkuveitu Reykjavíkur og voru tilboðin opnuð í lok september.
14.09.2012

Bilun á rafstreng til Vestmannaeyja

Miðvikudaginn 12. september um kl . 10:30 varð truflun á raforkuafhendingu til Vestmannaeyja, þegar annar tveggja flutningsstrengja þangað bilaði.
14.09.2012

Reglunarafl boðið út

Eitt af hlutverkum Landsnets er að útvega reglunarafl, en hlutverk fyrirtækisins eru m.a. skilgreind í raforkulögum nr. 65/2003.
13.09.2012

Afhending raforku á Norðausturlandi með eðlilegum hætti hjá Landsneti

Afhending raforku í meginflutningskerfi Landsnets er nú með eðlilegum hætti á Norðausturlandi eftir að viðgerð lauk á Kópaskerslínu 1, 66 kV línu milli Laxárstöðvar og Kópaskers, á öðrum tímanum í nótt. Viðgerð á Laxárlínu 1, 66 kV línu milli Laxárstöðvar og Akureyrar, lauk síðdegis í gær og um hádegisbil í dag hófst viðgerð á Kröflulínu 1, 132 kV línu milli Kröflustöðvar og Akureyrar.
12.09.2012

Staða viðgerða á Norðausturlandi

Eins og áður hefur komið fram eru þrjár línur bilaðar í flutningskerfi Landsnets á Norðausturlandi. Staða mála um hádegisbil í dag, miðvikudag, er þessi:
10.09.2012

Rafmagnsleysi á Norðurlandi

Víðtækt straumleysi er nú um norðanvert landið. Rafmagnslaust er frá Blöndu og allt að Þórshöfn, en varaaflstöðvar eru keyrðar þar sem þær eru fyrir hendi og rafmagn er á Húsavíkurlínu og þar með Húsavík.
21.05.2012

Vegna uppfærslu á gagnagrunnkerfi

Vegna uppfærslu á gagnagrunnkerfi hjá okkur berast jöfnunarorkuverð ekki með tilskyldum hætti á vefinn fyrir þessa viku 21.-25. maí 2012.
Sjá nánar :
09.05.2012

Málþing um raflínur og strengi - 11. maí

Iðnaðarráðherra og umhverfisráðherra hafa skipað nefnd er móta skal stefnu um lagningu raflína í jörð í samræmi við þingsályktun Alþingis í þskj. 748 frá 1. febrúar 2012.
20.04.2012

Landsnet styrkir Bláa naglann

Nú stendur yfir söluátak um allt land þar sem seldur verður Blái naglinn, blámálaður sex tommu nagli, til að vekja athygli á baráttunni gegn krabbameini í blöðruhálskirtli.
17.04.2012

Íslenski raforkumarkaðinn tekur til starfa með haustinu

Rúmlega 60 þátttakendur frá hinum ýmsu hagsmunaðilum sem tengjast raforkumálum á Íslandi sóttu málþing Landsnets um Íslenska Raforkumarkaðinn og gagnsæi í verðmyndun raforku á slíkum tilboðsmarkaði sem fram fór á Grand Hótel Reykjavík dagana 11. og 12. apríl sl.
04.04.2012

Aðalfundur Landsnets hf

Aðalfundur Landsnets var haldinn 29. mars 2012. Á dagskrá voru hefðbundin aðalfundarstörf.

03.04.2012

Málþing um Íslenska raforkumarkaðinn.

Gagnsæi í verðmyndun raforku á formlegum tilboðsmarkaði
Landsnet boðar til málþings fyrir aðila raforkumarkaðarins og aðra sem honum tengjast dagana 11. og 12. apríl 2012 á Grand hótel Reykjavík.
Málþingið er eftir hádegi fyrri daginn og fyrir hádegi seinni daginn og fer fram á ensku.

Skráning á málþingið fer fram hér
Dagskrá
26.03.2012

Íslenskur raforkumarkaður

Ráðstefna um raforkumarkað og hið íslenska umhverfi verður haldin á Grand Hótel við Sigtún
23.03.2012

Opinn kynningarfundur Landsnets

Landsnet býður til opins kynningarfundar um rekstrarumhverfi fyrirtækisins og framtíðarþróun raforkuflutningskerfisins á Hilton Reykjavík Nordica, 2. hæð (salur H-I), fimmtudaginn 29. mars kl. 9:00 - 12:00.
15.03.2012

Lagarfosslína 1 rifin milli Tókastaða og Eyvindarár

Nýr strengur 66 kV Lagarfosslínu 1, frá Tókastaðaafleggjara að tengivirkinu á Eyvindará, var spennusettur 22. desember sl. Í vor verður lokið við frágang á strengleið og plani ásamt því að gróðursett verður á lóðinni.
11.01.2012

Rekstur flutningskerfisins færist í eðlilegt horf

Í gærkvöldi og nótt gekk yfir landið mikið óveður sem hafði víðtæk áhrif á flutningskerfið. Rafmagnstruflanir urðu víða um land vegna hvassviðrisins og gríðarlegrar seltu einkum á suður og vesturhluta landsins.