Beint á efnisyfirlit síðunnar

Stjórnun og skipurit

Nýtt skipurit tók gildi hjá Landsneti þann 1. júní 2015 í samræmi við endurskoðun á stefnu félagsins og framtíðarsýn. Breytingunum er ætlað að efla enn frekar starfsemi Landsnets sem gegnir því mikilvæga hlutverki í raforkukerfi landsins að tryggja og viðhalda hæfni flutningskerfisins til lengri tíma og viðhalda jafnvægi milli framboðs og eftirspurnar rafmagns á hverjum tíma.

Stjórn Landsnets er skipuð til eins árs í senn. Til að fullnægja lögbundnum kröfum um fyllsta hlutleysi og jafnræði í störfum ber stjórnarmönnum að vera sjálfstæðir og að öllu leyti óháðir öðrum fyrirtækjum sem stunda vinnslu, dreifingu og sölu raforku.

Framkvæmdastjórn Landsnets skipa forstjóri og framkvæmdastjórar meginsviða fyrirtækisins. Þau eru stjórnunarsvið, fjármálasvið, þróunar- og tæknisvið, framkvæmda- og rekstrarsvið og kerfisstjórnunarsvið skv. skipulagsbreytingum sem tóku gildi 1. júní 2015. 

 

Viðskiptamannaráð er formlegur ráðgefandi vettvangur samráðs og umræðu um þróun raforkuflutningskerfisins og framtíðarþarfir viðskiptavina Landsnets.